Coronavirus / કોરોના સંકટ-લૉકડાઉનને લઇને PM મોદીની સર્વપક્ષીય બેઠક, વિપક્ષે કરી ફ્રી ટેસ્ટ સહિત આ માંગ

• પીએમ મોદીની રાજકીય પાર્ટીઓના ફ્લોર લીડર્સ સાથે વાતચીત
• વિપક્ષના ફ્લોર લીડર્સે PM મોદી સામે 5 માંગ કરી છે

વીડિયો કોન્ફરન્સિંગ દ્વારા પીએમ મોદીએ બીજેપી, કોંગ્રેસ, ડીએમકે, એઆઇએડીએમકે, ડીઆરએસ, સીપીઆઇએમ, ટીએમસી, શિવસેના, એનસીપી, અકાલી દલ, એલજેપી, જેડીયૂ, એસપી, બીએસપી, વાઇએસઆર કોંગ્રેસ અને બીજેડીના ફ્લોર લીડર્સ સાથે કોરોના વાયરસ સંકટ અને લૉકડાઉન પર વાતચીત કરી છે.

વિપક્ષના ફ્લોર લીડર્સે પીએમ મોદી સામે 5 માંગ રાખી

પીએમ મોદી આજે રાજકીય પાર્ટીઓના ફ્લોર લીડર્સ સાથે વીડિયો કોન્ફરન્સિંગ દ્વારા વાતચીત કરી રહ્યા છે. આ બેઠકમાં વિપક્ષના ફ્લોર લીડર્સે પીએમ મોદી સામે 5 માંગ કરી છે. જેમા રાજ્ય એફઆરબીએમ નાણાકીય મર્યાદાને 3થી 5 ટકા કરવા, રાજ્યોને તેમની ચૂકવણી આપવા, રાહત પેકેજને જીડીપીના 1 ટકાથી વધારીને 5 ટકા કરવા, કોરોના ટેસ્ટને ફ્રી કરવા અને પીપીઇ સહિત તમામ મેડિકલ ઇક્વિપમેન્ટને ઉપલબ્ધ કરાવવાની માંગ કરી છે. 

આ વાતચીત દરમિયાન પીએમ મોદી સાથે ટીએમસી તરફથી ટીઆર બાલૂ, એઆઇએડીએમકેની તરફથી નવનીત કૃષ્ણનન, કોંગ્રેસ તરફથી ગુલામ નબી આઝાદ અને અધીર રંજન ચૌધરી, ટીઆરએસના નમ્મા નાગેશ્વર રાવ અને કે કેશવા રાવ, સીપીઆઇએમ તરફથી ઇ કરીમ, ટીએમસી તરફથી સુદીપ બંદોપાધ્યાય, શિવસેનાના વિનય રાઉત અને સંજય રાઉત, એનસીપીના શરદ પવાર ચર્ચા કરી. 

ભાજપ તરફથી કેન્દ્રીય મંત્રી રાજનાથ સિંહ, થાવરચંદ ગહલોત, અમિત શાહ, પ્રહ્લાદ જોશી, અર્જુનરામ મેઘવાલ, વી. મુરલીધરન, નરેન્દ્ર તોમર અને નિર્મલા સીતારમણ સામેલ થયા. આ ઉપરાંત અકાલી દળ પાર્ટી તરફથી સુખબીર બાદલ, એલજેપી તરફથી ચિરાગ પાસવાન અને જેડીયૂના આરસીપી સિંહ, એસપી પાર્ટી તરફથી રામ ગોપાલ યાદવ, બીએસપી તરફથી દાનિશ અલી અને સતીશ મિશ્રા, વાઇએસઆર કોંગ્રેસ તરફથી વિજયસાઇ રેડ્ડી અને મિથુન રેડ્ડી, બીજેડી તરફથી પિનાકી મિશ્રા અને પ્રસન્ના આચાર્યે પોતાનો પક્ષ મુક્યો. 

દેશમાં કોરોના વાયરસ સંક્રમણના વધ્યા કેસ

દેશમાં કોરોના વાયરસના સંક્રમણના કેસ સતત વધી રહ્યા છે. દેશમાં આજે કોરોના વાયરસના કેસનો આંકડો વધીને 5194 પર પહોંચ્યો છે. જ્યારે 149 લોકોના મોત થઇ ચૂક્યા છે અને 402 લોકો કોરોના વાયરસની બીમારીથી સ્વસ્થ થઇ ચૂક્યા છે.