ભારત સહિત દુનિયાના ઘણા દેશ કોરોના વાયરસના નવા વેરિએન્ટની ઝપેટમાં છે. કોરોનાના આ વેરિએન્ટનો પહેલો કેસ દક્ષિણ આફ્રિકામાં સામે આવ્યો હતો. જે હવે ઘણા દેશોમાં પગપેસારો કરી ચૂક્યો છે. જો કે, ઓમિક્રોન કોરોનાના ડેલ્ટા વેરિએન્ટની સરખામણીએ ઓછો ઘાતક છે. પરંતુ દેશના ઘણા તબીબી નિષ્ણાંતોએ લોકોને ચેતવ્યાં છે અને કહ્યું છે કે ઓમિક્રોનને હળવાશમાં ના લેશો.
દેશ સહિત વિશ્વના ઘણાં દેશમાં ઓમિક્રોન વેરિએન્ટનો હાહાકાર
આ લક્ષણો હોય તો ભૂલ ના કરતા તાત્કાલિક તબીબની સલાહ લેજો
કોવિડ-19 પ્રોટોકોલનું ફરજીયાત પાલન કરો
નિષ્ણાંતો મુજબ, ઓમિક્રોન વેરિએન્ટ વધુ ખતરનાક નથી. જો કે આપણે સાવચેતીના પગલા લેવાના બંધ ના કરવા જોઈએ અને કોવિડ-19 પ્રોટોકોલનું પાલન કરતા રહેવુ જોઈએ. દેશમાં નેશનલ ઈન્સ્ટીટ્યુટ ઑફ કોમ્યુનિકેબલ ડિજીજના નેતૃત્વમાં દક્ષિણ આફ્રિકાના અભ્યાસ પરથી જાણવા મળ્યું છે કે જે લોકોએ રસી મુકાવી નથી અને કોરોનાના ઓમિક્રોન વેરિએન્ટથી સંક્રમિત થયા હતા. તેઓ પણ ગંભીર રીતે બિમાર થયા નથી. આ અભ્યાસ એવા સમયે સામે આવ્યો છે, જ્યારે ઓમિક્રોન દેશ સહિત વિશ્વભરમાં ઝડપથી ફેલાઈ રહ્યો છે. તુષાર તાયલે કહ્યું કે આ વેરિએન્ટ દેશમાં ત્રીજી લહેર તરફ લઇ જશે કે નહીં. પરંતુ હું કહીશ કે છેલ્લાં બે અઠવાડિયામાં કેસના વધારાની સાથે અમે હવે તેને જોઈ રહ્યાં છે. પરંતુ બીજી લહેરની તુલનામાં આ વખતે ઓછા લોકો હોસ્પિટલમાં દાખલ થઇ રહ્યાં છે.
ઓમિક્રોનના લક્ષણો
હવે આપણે વાત કરીએ છીએ ઓમિક્રોનના લક્ષણની. જો માથાનો દુ:ખાવો, નાકમાંથી પાણી પડવુ, થાક, છીંક આવવી જેવી સમસ્યા સામે ઝઝૂમી રહ્યાં છો તો તેને હળવાશમાં ના લેશો. આ ઓમિક્રોનના લક્ષણ હોઈ શકે છે. વિશ્વ સ્વાસ્થ્ય સંગઠન પણ ચેતવણી આપી ચૂક્યુ છે કે ઓમિક્રોનને હળવાશમાં ના લેશો. યુએસ સેન્ટર ફૉર ડિજીજ કંટ્રોલ એન્ડ પ્રિવેન્શન એનાલિસિસ મુજબ, ઓમિક્રોનના ચાર સૌથી સામાન્ય લક્ષણ ઉધરસ આવવી, થાકી જવુ, નાકમાંથી પાણી વહેવુ વગેરે છે. યુકે સ્થિત Zoe કોવિડ એપના હાલના એક અભ્યાસે આ શ્રેણીમાં ઉલ્ટી થવી અને ભૂખ ના લાગવી પણ જોડ્યુ છે.
આ સિવાય એઈમ્સે ઓમિક્રોનના પાંચ લક્ષણો શેર કર્યા છે.
શ્વાસ લેવામાં મુશ્કેલી
ઓક્સિજન લેવલમાં ઘટાડો
સતત છાતીમાં દુ:ખાવો-દબાણ
માનસિક ભ્રમ
આ લક્ષણો 3-4 દિવસથી વધુ સમય રહે અને તબિયત બગડે
આ છે ઓમિક્રોનના લક્ષણો
સતત ઉધરસ આવવી, કર્કશ અવાજ, ઠંડી લાગવી અથવા ધ્રુજારી આવવી, તાવ, ચક્કર આવવા, સુગંધ બદલાઈ જવી, આંખોમાં દુ:ખાવો, સ્નાયુઓમાં દુ:ખાવો, સુગંધ મહેસૂસ ના થવી, હાથ અને પગની આંગળીઓ પર સોજો, નબળાઈ અને ત્વચા પર ફોલ્લીઓ.