ગુજરાતમાં હજુ સુધી એક પણ કોરોનાનો કેસ નોંધાયો નથી પરંતુ કેટલીક સરકારી હોસ્પિટલો એને ગુજરાતીઓ કોરોનો નામની મહામારીને સાવ હળવામાં લઈ રહ્યા છે વળી કેટલાક લોકો તો ધંધાની ઉત્તમ તક સમજીને વેપાર કરવા લાગી ગયા છે. દાદરાનગર હવેલીમાં મેડિકલ સ્ટોર્સમાં નકલી સેનેટાઈઝર અને માસ્ક વેચાતા હોવાનું સામે આવ્યું છે. કોરોનાને કાબૂમાં લાવવા મદદરૂપ થવાને બદલે લોકો અહીં પણ ચારસોવીસી કરતા જોવા મળી રહ્યા છે.
દાદરાનગર હવેલીના નકલી સેનીટાઈઝર અને માસ્ક ઝડપાયા
કોરોના વાયરસના ખોફને લેભાગુઓ કમાણીનો ધંધો બનાવ્યો
મેડિકલ સ્ટોરમાં નકલી સેનીટાઈઝર અને માસ્ક વેચાઇ
કોરોના વાયરસ સમગ્ર વિશ્વમાં હાહાકાર મચાવી રહ્યો છે. ત્યારે ભારતમાં પણ તેનો પગપેસારો થતાં ખોફનો માહોલ છે. એવા સમયે પણ લેભાગુઓ આવા માહોલમાં પણ લોકોની મજબૂરી નો લાભ ઉઠાવી કમાવાનો ધંધો બનાવી રહ્યા છે. સંઘ પ્રદેશ દાદરા નગર હવેલીમાં પણ કોરોના વાઇરસના ને અટકાવવા લોકો ને હાથ અને શરીરની સ્વછતા માટે સેનીટાઈઝર અને માસ્કનો ઉપયોગ કરવા સૂચન કર્યું છે.
ઉંચી કિંમતે શેનીટાઈઝર અને માસ્ક વેચાતા હોવાનું બહાર આવ્યું
સાથે જ કાળજી લેવા લોકો માં આરોગ્ય વિભાગ દ્વારા જનજાગૃતિના અનેક પ્રયાસો કરવામાં આવી રહ્યા છે. આથી પ્રદેશમાં સેનીટાંરાઈઝર અને માસ્કની માંગ વધી રહી છે. જેનો ગેરલાભ ઉઠાવવા લેભાગુઓ એ આ માહોલમાં પણ કમાવવાના ધીકતો તો ધંધો શરૂ કર્યો હતો. આથી દાદર હવેલીના આરોગ્ય વિભાગને પ્રદેશના કેટલાક મેડિકલ સ્ટોરમાં માસ્ક અને સેનીટાઈઝર ઉંચી કિંમતે વેચાઇ રહ્યા હોવાની ફરીયાદો મળી હતી.
5 મેડીકલ સ્ટોરના લાઇસન્સ કર્યા સસ્પેન્ડ
જેને ગંભીરત થી લઇ પ્રદેશના આરોગ્ય વિભાગ દ્વારા મેડિકલ સ્ટોરો માં તપાસ કરવામાં આવી હતી. તપાસ દરમિયાન સેલવાસની 5 મેડિકલ સ્ટોરમાંથી નકલી સેનીટાઈઝર અને નિયત કિંમત કરતાં ઊંચા ભાવે માસ્ક વેચાઈ રહ્યા હોવાનું બહાર આવ્યું હતું. આથી આરોગ્ય વિભાગે આવા 5 મેડિકલ સ્ટોર સંચાલકો ને સબક શીખવવા 5 મેડીકલ સ્ટોરના લાયસન્સ સસ્પેન્ડ કરી દીધા હતા.
મેડિકલ સ્ટોર સંચાલકોમાં ફફડાટ
લોકો ની મજબૂરી અને જરૂરિયાત માં મેડિકલ સ્ટોર સંચાલકો લોકો ને લૂંટી રહ્યા હોવાનું પુરવાર થતા હવે આરોગ્ય વિભાગે સમયાંતરે મેડિકલ સ્ટોરમાં તપાસની કામગીરી હાથ ધરી છે. અને લોકોની મજબૂરીનો લાભ ઉઠાવતા આવા લેભાગુ મેડિકલ સ્ટોર સંચાલકો સામે લાલ આંખ કરી. તેમના વિરૂદ્ધ કડક કાર્યવાહી કરતા મેડિકલ સ્ટોર સંચાલકોમાં ફફડાટ વ્યાપી ગયો છે.