કોરોના વાઇરસને લઇને સપ્લાય ચેન અવરોધાશે અને તેની સૌથી વિપરીત અસર કન્ઝ્યુમર ડ્યુરેબલ ઇન્ડસ્ટ્રી પર પડી શકે છે. કોરોના વાઇરસ આઉટબ્રેકને લઇને ચીનમાં હેલ્થ ઇમર્જન્સી લાગુ છે, જેની અસર ઇન્ડસ્ટ્રી પર વરતાઇ રહી છે. કેટલાય શેરમાં અલગ અલગ સેક્ટરમાં કામ કરતી કંપનીઓના પ્લાન્ટ કેટલાય દિવસથી બંધ છે.
કોરોના વાઇરસ આઉટબ્રેકને લઇને ચીનમાં હેલ્થ ઇમર્જન્સી લાગુ છે
કોરોના વાયરસની ઈફેક્ટ આપણાં ઘર સુઘી પહોંચી દિવસમાં 50 વખત વપરાતી આ વસ્તુઓ થશે મોંઘી
નિષ્ણાતોનું માનવું છે કે જો સપ્લાય ચેન આ રીતે અવરોધાતી રહેશે તો દેશની કન્ઝ્યુમર ડ્યુરેબલ ઇન્ડસ્ટ્રી પર મોટી અસર પડી શકે છે અને તેના કારણે આગામી દિવસોમાં ટીવી, એસી, ફ્રીઝ અને મોબાઇલના ભાવ વધી શકે છે.
કન્ઝ્યુમર ડ્યુરેબલ સેગ્મેન્ટમાં ઘરેલુ કંપની મેન્યુફેક્ચરિંગ માટે કેટલાય જરૂરી કોમ્પોનન્ટ ચીનથી આયાત કરે છે, પરંતુ ત્યાં પ્રોડક્શન બંધ હોવાથી આયાત થઇ શકતી નથી અને તેથી કંપનીઓની ઇન્વેન્ટરી પણ હવે નબળી થવા લાગી છે. તેના કારણે કન્ઝ્યુમર ડ્યુરેબલ આઇટમ્સ જેવી કે ટીવી, ફ્રીઝ, એસી અને મોબાઇલ મોંઘા થઇ શકે છે.