કોરોના વાયરસ / જો તમે ગુજરાતના આ સ્થળે ફરવા જવાનું વિચારતા હો તો હમણા માંડી વાળજો, કારણ કે...

• ઝીરો પોઈન્ટ બોર્ડર કરાઈ બંધ
• પ્રવાસીઓ માટે કરાઈ બંધ
• કોરોનાની અસરને પગલે નિર્ણય

જો હાલ તમે ભારત-પાકિસ્તાનની સરહદે આવેલ નડાબેટ ઝીરો પોઈન્ટ બોર્ડર નિહાળવા જવાનું વિચારી રહ્યા છો તો થંભી જાજો. હાલ પૂરતો અહીં સીમા દર્શન માટે આવતા પ્રવાસોઓ પર પ્રતિબંધ લગાવવામાં આવ્યો છે. સુરક્ષા દળ દ્વારા પ્રવાસીઓની અવરજવર પર પ્રતિંબધ મુકવામાં આવ્યો હોવાનું જાણવા મળી રહ્યું છે.

ચીનના વુહાન પ્રાંતથી ફેલાયેલો કોરોના વાયરસ અટકવાનું નામ નથી લઈ રહ્યો. હવે વિશ્વભરમાં કોરોના વાયરસે હાહાકાર મચાવી દીધો છે. આ વાયરસના ગુજરાતમાં પણ કેટલાક શંકાસ્પદ કેસ નોંધાયા છે. જોકે ગુજરાતમાં હજુ સુધી કોઇ પોઝિટીવ કેસ સામે નથી આવ્યો. ત્યારે આગમચેતી રૂપે જવાનોના સ્વાસ્થ્યને ધ્યાનમાં રાખીને BSF દ્વારા કોરોના વાયરસનો ચેપ જવાનોમાં ન ફેલાય તે માટે પ્રવાસીઓની અવરજવર પર પાબંધી લગાવી દેવામાં આવી છે. જોકે યાત્રાધામ નડાબેટ જવા પર કોઇ પાબંધી નથી.

સ્ટેચ્યુ ઓફ યુનિટી પર ફરવા જઇ શકશો

બીજી તરફ સોમવારે સ્ટેચ્યુ ઓફ યુનિટી પ્રવાસીઓ માટે ખુલ્લુ રહેશે. સોમવાર હોવા છતા હોળીને લઇને સ્ટેચ્યુ ઓફ યુનિટીને ખુલ્લુ રાખવામાં આવશે. તહેવારને લઇ તંત્ર દ્વારા પ્રવાસીઓ માટે આ નિર્ણય કરવામાં આવ્યો છે. સામાન્ય રીતે દર સોમવારે SOUમાં મેન્ટેનન્સની કામગીરીને લઇ સોમવારે બંધ રાખવામાં આવે છે. જોકે કોરોના વાયરસના ભયને લઇને સ્ટેચ્યુ ઓફ યુનિટી ખાતે નર્મદા જિલ્લા વહીવટી તંત્ર દ્વારા કોરોના વાયરસનું થર્મલ ચેકીંગ શરૂ કરવામાં આવ્યું છે.

વિશ્વમાં કોરોના વાયરસને લઈને હડકંપ

વિશ્વભરમાં કોરોનાથી સંક્રમિત લોકોના આંકડો 1 લાખ 10 હજારને પાર પહોંચી ગયો છે. જ્યારે મૃત્યુઆંક 3 હજાર 827 લોકોના મોત નિપજ્યા છે. ઈટલીમાં વધુ 133 લોકોના મોત નિપજ્યા છે. તો ઈરાનમાં 49 લોકોના મોત નિપજ્યા છે. તો ચીનમાં વધુ 22 લોકોના મોત નિપજ્યા છે. તો ફ્રાંસમાં 3, દક્ષિણ કોરિયામાં 2, સ્પેનમાં 7, અમેરિકામાં 3, જાપાન, સ્વિત્ઝરલેન્ડ અને ઈંગ્લેન્ડમાં 1-1ના મોત નિપજ્યા છે. તો નેધરલેન્ડમાં 2, હોંગકોંગમાં 1, ઈરાકમાં 2, ઈજિપ્તમાં 1 વ્યક્તિના મોત નિપજ્યા છે. અત્યાર સુધી કોરોના વાયરસ વિશ્વના 105 દેશમાં ફેલાઈ ચૂક્યો છે.