કોરોના વાયરસના કારણે પહેલા લોકડાઉન કરવામાં આવ્યું છે તે બાદ હવે ધીમે ધીમે જ્યાં અનલોક થઇ રહ્યું છે ત્યાં કોરોના વાયરસની બીજી લહેરના કારણે કેટલાય દેશો ફરીથી લોકડાઉન જેવી સ્થિતિમાં જઈ રહ્યા છે.
ફ્રાંસમાં વધ્યા કોરોના વાયરસના કેસ
યુરોપમાં એક અઠવાડીયામાં 37 ટકા કેસ વધ્યા
વૈજ્ઞાનિકોએ પહેલા જ શિયાળામાં કેસ વધવાની આશંકા વ્યક્ત કરી હતી
કોરોના વાયરસના કેસમાં સતત વધારો થઇ રહ્યો છે છેલ્લા કેટલાક દિવસોમાં દૈનિક કેસની સંખ્યામાં વધારો પણ જોવા મળી રહ્યો છે. યુરોપમાં જે રીતે કોરોના વાયરસના કેસ વધી રહ્યા છે તે જોતા ફ્રાંસ બાદ બ્રિટન જર્મની સહીતના અન્ય કેટલાક દેશો લોકડાઉન લગાવી દેવાની તૈયારીમાં છે.
જર્મનીમાં પણ ફફડાટ
જર્મનીમાં એક મહિના માટે રેસ્ટોરન્ટ ખુલ્લા રાખ્યા બાદ હવે ફરીથી બંધ કરી દેવાના આદેશ આપવામાં આવ્યા છે. જર્મનીના ચાંસેલર મર્કેલે ટોચના અધિકારીઓ સાથે લોકડાઉનને કડક કરવાને લઇને ચર્ચા કરી છે. ફ્રાંસમાં રાષ્ટ્રપતિએ 50 હજારથી વધારે કેસ આવ્યા બાદ દેશને સંબોધિત કર્યું અને વધુ કડક નિયમો માટે તૈયાર રહેવા કહ્યું છે.
રેકોર્ડબ્રેક કેસ સામે આવ્યા
નોંધનીય છે કે કોરોના વાયરસના કેસ થોડા સમય પહેલા રાહત જોવા મળી હતી પરંતુ હવે આંકડાઓ પર નજર કરીએ તો છેલ્લા એક અઠવાડિયામાં જ 37 ટકા કેસમા વધારો જોવા મળ્યો છે. રેકોર્ડબ્રેક 13 લાખ કેસ સામે આવ્યા છે જેને લઈને કહેવામાં આવી રહ્યું છે કે કોરોના વાયરસની બીજી લહેર હવે શરુ થઇ રહી છે.
બ્રિટનમાં તાળાબંધી
બ્રિટનમાં કેટલાય શહેરોમાં કડક લોકડાઉન લાગુ કરી દેવાયું છે. વેલ્સ, ગ્રેટ મેન્ચેસ્ટર, લીવરપૂલ સિટી, સ્કોટલેન્ડમાં લોકડાઉન લાગૂ કરી દેવાયું છે. લોકોને ઘર બહાર નીકળવા પર પ્રતિબંધ મૂકી દેવાયો છે.
નોંધનીય છે કે છે શિયાળો શરુ થાય તે પહેલા જ ઘણા બધા વૈજ્ઞાનિકોએ દાવો કર્યો હતો કે ઠંડીમાં કેસમાં વધારો જોવા મળશે.લાગી રહ્યું છે કે તેની અસર યુરોપમાં શરુ થઇ ગઈ છે.
કેટલાય દેશોમાં પ્રતિબંધો
કોરોના વાયરસ જેમ જેમ ભયાનક રૂપ લઇ રહ્યું છે તેને જોતા કેટલાય દેશોમાં પ્રતિબંધો લાગૂ કરી દેવામાં આવ્યા છે. બેલ્જીયમમાં સોમવારથી નવા કાયદાઓ આવી જવાના કારણે રેસ્ટોરન્ટને એક મહિના સુધી બંધ કરી દેવાયા છે. ઈટલીમાં છ વાગ્યા બાદ રેસ્ટોરન્ટ બંધ રાખવામાં આવશે.
ફ્રાંસના મુખ્ય શહેરોમાં રાત્રે 9 વાગ્યા બાદ કર્ફ્યું છે જ્યાં ઘરથી બહાર નીકળવા પર દંડ ભરવો પડી શકે છે. બ્રિટનમાં પણ કેટલાય શહેરોમાં કડક લોકડાઉન છે.