ચેતવણી / ચેતોઃ આવી શકે છે કોરોનાના ડેલ્ટાથી પણ ઘાતક વેરિઅન્ટ, વેક્સિન લઈ ચૂકેલાને પણ લેશે ઝપેટમાં

• કોરોનાને લઈને ડો. ફૉસીએ  ચેતવણી આપી
• આવી શકે છે કોરોનાના ડેલ્ટાથી પણ ઘાતક વેરિઅન્ટ
• ઘાતક વેરિઅન્ટ  વેક્સિન લઈ ચૂકેલાને પણ લેશે ઝપેટમાં

ભારતમાં પહેલી વાર મળેલો કોરોનાનો ડેલ્ટા વેરિઅન્ટ નવા રૂપમાં તબાહી મચાવી શકે છે. અમેરિકાના વરિષ્ઠ સંક્રામક રોગ વિશેષજ્ઞ અને અમેરિકી સરકારના કોવિડ સલાહકાર ડો. એન્થની ફૉસીએ કેપિટલ સીનેટમાં સમિતિને કહ્યું કે ડેલ્ટા વેરિઅન્ટથી પણ ઘાતક વેરિઅન્ટ જલ્દી આવી શકે છે.  

ડો. એન્થની ફૉસીએ આપી ચેતવણી
તેઓએ કહ્યું કે અમેરિકામાં હજુ વાયરસ ફેલાઈ રહ્યો છે. આ સમયે તે શિયાળામાં ઘાતક અને ખતરનાક બની શકે છે. તેઓએ ચેતવણી આપી છે કે નવો વેરિઅન્ટ વેક્સિનેશનને પણ પાછળ રાખી દેશે. જો સમયસર વેક્સિનેશન પૂરું નહીં કરાય તો નવો વેરિઅન્ટ ભયાનક રૂપ લાવી શકે છે.  

વાયરસની પાસે છે મ્યૂટેશનનો અવસર

ડો. ફૉસીએ કહ્યું કે વાયરસ ફેલાવવાનું મુખ્ય કારણ ઓછું વેક્સિનેશન છે. ઓછી  વેક્સિનનો અર્થ છે કે વાયરસની પાસે પોતાનામાં મ્યુટેશન કરવાનો અવસર છે. સંભવ છે કે શિયાળામાં તે એક ઘાતક રૂપની સાથે દસ્તક આપી શકે છે.  
 

ડેલ્ટા પ્લસ વેરિઅન્ટ પર શંકા
વૈજ્ઞાનિકોનું કહેવું છે કે કોરોનાનો ડેલ્ટા રૂપ દુનિયાના અનેક દેશોને ઝપેટમાં લઈ ચૂક્યું છે. વાયરસ જીવનને બચાવવા માટે રૂપ બદલી રહ્યો છે. ડેલ્ટા પ્લસ વેરિઅન્ટના કેસ અનેક દેશમા આવી ચૂક્યા છે. એવામાં શંકા છે કે શું દુનિયાને ખતરો ડેલ્ટા પ્લસ વેરિઅન્ટથી રહેશે?