ભારતમાં કોરોના વાયરસની બીજી લહેરનો કહેર જોવા મળી રહ્યો છે.
ભારતમાં કોરોના વાયરસની બીજી લહેર
મહારાષ્ટ્રમાં કોરોના વાયરસના સૌથી વધારે કેસ
દિલ્હીમાં પણ વધ્યું ટેન્શન
હોળીના તહેવાર પહેલા દેશમાં કોરોના વાયરસની રફતાર બેકાબૂ થઈ રહી છે. ભારતની રાજધાની દિલ્હી અને મહારાષ્ટ્રમાં કોરોના વાયરસના કેસમાં સતત વધારો જોવા મળી રહ્યો છે. મહારાષ્ટ્રના ઘણા બધા જિલ્લાઓમાં પ્રતિબંધો લગાવી દેવામાં આવ્યા હોવા છતાં કોરોના કેસ વધી રહ્યા છે.
લોકડાઉન લાગ્યું છતાં આ હાલ
દેશમાં કોરોના વાયરસની બીજી લહેર ચાલી રહી છે. કોરોના વાયરસની બીજી લહેર સૌથી વધારે હાહાકાર મહારાષ્ટ્રમાં જોવા મળી રહ્યો છે. મહારાષ્ટ્રમાં પ્રતિદિન કોરોના વાયરસના કેસ એક નવો રેકોર્ડ સર્જી રહ્યા છે. બુદવારે કોરોના વાયરસના 31 હજાર કેસ સામે આવ્યા હતા તો ગુરુવારે કોરોના વાયરસના નવા કેસનો આંકડો તો 35 હજારને પણ પાર થઈ ગયો. ગુરુવારે મહારાષ્ટ્રમાં 35 હજાર 952 કોરોના વાયરસ કેસ સામે આવ્યા છે જ્યારે 111 લોકોના મોત થયા છે.
મુંબઈમાં મહામારીનો કહેર
મહારાષ્ટ્રમાં મુંબઈ શહેરમાં સૌથી વધારે કહેર જોવા મળી રહ્યો છે. મુંબઈમાં એક દિવસમાં 5500ની ઉપર કેસ સામે આવ્યા છે જયારે 14 લોકોના મોત થાય છે. મહારાષ્ટ્રમાં અત્યારે અડધી ડઝન શહેરોમાં લોકડાઉન લાગી ગયું અને એમાં પણ બીડ જેવા શહેરોમાં તો સંપૂર્ણ લોકડાઉન કરવામાં આવ્યું છે.
દિલ્હી પણ ઝપેટમાં
મહારાષ્ટ્રની જેમ જ દિલ્હીની ચિંતામાં પણ વધારો થઈ રહ્યો છે. ગુરુવારે દિલ્હીમાં 1515 કેસ સામે આવ્યા છે જ્યારે 5 લોકોના મોત થાય છે. વર્ષ 2021માં આ દિલ્હીનો સૌથી મોટો આંકડો છે. એવામાં દિલ્હી સરકારે પણ હવે કડકાઇ શરૂ કરી દીધી છે. જાહેર સ્થળો પર કોરોના વાયરસની ગાઈડલાઇનનું કડકપણે પાલન કરાવવામાં આવી રહ્યું છે.