કનિકા કપૂરના કોરોના વાયરસથી પોઝિટિવ આવ્યા બાદ હડકંપ મચી ગયો હતો. કનિકા કપૂર લખનઉમાં આયોજિત જે પાર્ટીમાં હાજર રહી હતી, તેમા રાજસ્થાનના પૂર્વ મુખ્યમંત્રી વસુંધરા રાજે સિંધિયા અને તેમના સાંસદ પુત્ર દુષ્યંત સિંહ પણ હાજર રહ્યા હતા. વસુંધરા અને દુષ્યંતે સાવચેતી રાખતા સેલ્ફ આઇસોલેશનમાં જવાની જાણકારી આપી હતી.
કનિકા કપૂરના કોરોના વાયરસથી પોઝિટિવ આવ્યા બાદ હડકંપ મચી ગયો
ભાજપ સાંસદ દુષ્યંત સિંહની રિપોર્ટ પણ નેગેટિવ આવી
પૂર્વ CM વસુંધરા રાજે સિંધિયા અને તેમના સાંસદ પુત્ર દુષ્યંત સિંહે આઇસોલેશનની આપી જાણકારી
શનિવારનો દિવસ આ બંને દિગ્ગજોની સાથે અન્ય સાંસદો માટે પણ રાહતના સમાચાર લઇને આવ્યા. પહેલા વસુંધરા રાજેની કોરોના રિપોર્ટ નેગેટિવ આવી અને હવે ભાજપ સાંસદ દુષ્યંત સિંહની રિપોર્ટ પણ નેગેટિવ આવી છે. સ્વાસ્થ્ય મંત્રાલયે પણ તેની પુષ્ટી કરી છે.
मेरी #Covid19 की रिपोर्ट नेगेटिव आई है, लेकिन सावधानी के तौर पर मैं फिलहाल आइसोलेशन में हूं तथा स्वास्थ्य सम्बन्धी सभी निर्देशों का पालन कर रहा हूं।
ભાજપ સાંસદ દુષ્યંતની તપાસની રિપોર્ટ નેગેટિવ આવવાથી એ સાંસદોના જીવમાં જીવ આવ્યો છે, જે ગત કેટલાક દિવસોથી દુષ્યંતના સંપર્કમાં આવ્યા હતા.
નોંધનીય છે કે કનિકા કપૂરના કોરોના પોઝિટિવ આવ્યા બાદ અને ગત દિવસોએ દુષ્યંતે પણ તેમની સાથે પાર્ટીમાં હોવાના સમાચાર આવ્યા બાદ ઘણા સાંસદોએ સેલ્ફ આઇસોલેશનમાં જવાનું એલાન કર્યું હતું. તેમા ભાજપ સાંસદ વરુણ ગાંધી, પૂર્વ કેન્દ્રીય મંત્રી અનુપ્રિયા પટેલ, દીપેન્દ્ર સિંહ હુડ્ડાની સાથે તૃણમૂલ કોંગ્રેસના રાજ્યસભા સાંસદ ડેરેક ઓ બ્રાયન અને સંજય સિંહ સામેલ હતા.