કોરોના વાયરસના કારણે દેશનાં દરરોજ નવા કેસ સામે આવી રહ્યા છે. કોરોના વાયરસના કારણે દુનિયામાં હજારો લોકોએ પોતાના જીવ ગુમાવ્યા છે ત્યારે વિશ્વની ઘણી સંસ્થાઓ કોરોના વાયરસની દવાની શોધમાં લાગેલી છે. સાથે જ કોરોના વાયરસની ટેસ્ટ કિટ માટે પણ સંશોધન કરવામાં આવી રહ્યા છે ત્યારે ભારતમાં કોરોના વાયરસને લઇ મોટા સમાચાર મળી રહ્યા છે.
અમેરિકાની એબોટ કંપનીની ટેસ્ટ કિટ ભારતમાં આવશે
પોઝિટિવ રિપોર્ટ 5 મિનીટમાં અને નેગેટિવ રિપોર્ટ 13 મિનીટમાં આપવામાં સક્ષમ
એક મીડિયા અહેવાલ કરવામાં આવ્યો દાવો
કોરોના ટેસ્ટ માટે અમેરિકાની એબોટ કંપની દ્વારા બનાવવામાં આવેલ રેપીડ કિટ જે માત્ર 5 મિનીટમાં કોરોના ટેસ્ટ કરવામાં સક્ષમ છે તે ભારતમાં આવી રહી છે. એક મીડિયા અહેવાલ મુજબ એપ્રિલ મહિનાના ત્રીજા અઠવાડિયામાં આ કિટ ભારતમાં આવી શકે છે. આ કિટની મદદથી કોરોના પોઝિટિવનો રિપોર્ટ માત્ર 5 મિનીટમાં આવી જાય છે અને નેગેટિવ રિપોર્ટ આવવામાં 13 મિનીટનો સમય લાગે છે.
સાથે જ કિટની ખાસીયત છે કે આ કિટ ખૂબ નાની અને હલકી છે જેને સરળતાથી એક જગ્યાએથી બીજી જગ્યાએ લાવી શકાય છે. ભારતમાં આ કિટના આવવાથી ખૂબ ફાયદો થશે. એબોટ કંપનીએ એક મહીનામાં પચાસ લાખ ટેસ્ટ કિટના ઉત્પાદનની યોજના બનાવી છે. આ ટેસ્ટ કિટ જ્યાં વધુ કેસ આવે છે તે હોસ્પિટલમાં લગાવી શકાશે જેથી ટેસ્ટ કરવામ સરળતા રહે.
આ ટેસ્ટ કિટને અમેરિકાની રેગ્યુલેટર સંસ્થાએ સ્વીકૃતિ આપી દીધી છે તેથી તેની વિશ્વસનીયતા પર સવાલ કરી શકાય નહીં. નોંધનીય છે કે દુનીયાના ઘણા દેશ કોરોના વાયરસની રસી શોધવામાં લાગેલા છે. પરંતુ આજ સુધી કોઈને સફળતા હાથ લાગી નથી. આ પહેલાં ફેલાયેલા સાર્સ વાયરસની રસી પણ હજુ શોધાઈ નથી ત્યારે કોરોના વાયરસની રસી શોધાવામાં હજુ લાંબો સમય લાગે તેવી શક્યતા છે.