કોરોના વાયરસથી હાલ સુધી દુનિયામાં 28262 લોકો બીમાર થઈ ચૂક્યા છે. જ્યારે તેમાંથી 28018 લોકો ચીનમાં છે. કોરોના વાયરસથી હાલ સુધીમાં 565 લોકોના મોત થઈ ચૂક્યા છે. હવે આ વાયરસની અસર સારવાર કરનારા ડોક્ટર્સ પર પણ પડી રહી છે. આ વાયરસના કારણે એક ડોક્ટરનું મોત નીપજ્યું છે.
કોરોનાએ લીધો ડોક્ટરનો જીવ
10 દિવસથી આરામ કર્યા વિના કરી રહ્યા હતા સારવાર
ડોક્ટર ટીમના લીડર હતા આ ડોક્ટર
આ ડોક્ટર હુનાનમાં 25 જાન્યુઆરીથી ભયાનક ઠંડીમાં પણ સ્થાનિક ક્લિનિકમાં પોતાની ફરજ બજાવી રહ્યા હતા. તેમની પાસે ડોક્ટર્સની એક ટીમ હતી, જેના તેઓ લીડર હતા. તેમને હાઈવે પર આવવા -જનારા ડ્રાઈવર અને મુસાફરોના ટેમ્પ્રેચર માપવાનું કામ આપવામાં આવ્યું હતું.
આ તાપમાનમાં પણ નીભાવી હતી પોતાની ડ્યુટી
ભયાનક ઠંડીમાં જ્યારે હુનાન પ્રાંતમાં તાપમાન દિવસે 8 ડિગ્રી અને રાતે 5 ડિગ્રી સેલ્સિયસ પહોંચે છે. તેમાં પણ આ ડોક્ટર અને તેમની ટીમે લોકોને કોરોના વાયરસના ચેપથી બચાવવા માટે કામ કર્યું હતું.
ક્લિનિક પાસે છવાયો શોક, બહેન ન જઈ શકી અંતિમ સંસ્કારમાં
ડોક્ટર જે ક્લિનિકમાં કામ કરતા હતા ત્યાં હાલમાં શોકનું વાતાવરણ છવાયું છે. આ ડોક્ટરની મોટી બહેન પણ ડોક્ટર છે. તે હાલમાં વુહાનમાં દર્દીઓની સારવાર કરી રહી છે. તેમને દુઃખ છે કે તે પોતાના ભાઈના અગ્નિ સંસ્કાર પણ કરી શકી નથી. વુહાનથી કોઈને પણ બહાર આવવા જવાની પરમિશન નથી.
ડોક્ટરના પિતાએ કહી આ વાત
ડોક્ટરના પિતાએ કહ્યું કે મારી દીકરી વુહાનમાં ફસાયેલી છે. તે ત્યાં ફસાઈ ગઈ છે. મારો દીકરો મને છોડીને ચાલ્યો ગયો છે અને ખબર નહીં બીજું શું જોવા મળશે. દુનિયાની દરેક મુશ્કેલીઓ જાણે મારી પર આવી ગઈ હોય તેવું લાગી રહ્યું છે.