ખુશખબર / દાવો : જલ્દી આવશે 6 મહિનાના બાળકો માટે કોરોનાની રસી, જાણો કઈ કંપનીએ બનાવી વેક્સિન

• અડધો ડર્ઝન કંપનીઓ બાળકો માટે રસી બજારમાં ઉતારવાની હોડમાં
•  મોર્ડનાએ પણ બાળકો માટે કોરોનાની રસીની અસરને લઈને અધ્યયન કરી રહી
• બાળકો માટે ડોઝ નક્કી કરવો સૌથી મોટો પડકાર

ફાયઝર અને તેની સહયોગી જર્મન કંપની બાયોએનટેકે ભલે નાની ઉંમરના બાળકોને કોરોનાની રસીને સુરક્ષિત હોવાનો દાવો કર્યો હોય પરંતુ આ દિશામાં તે એકલા નથી.

અડધો ડર્ઝન કંપનીઓ બાળકો માટે રસી બજારમાં ઉતારવાની હોડમાં

લગભગ અડધો ડર્ઝન કંપનીઓ બાળકો માટે રસી બજારમાં ઉતારવાની હોડમાં છે. કંપની જલ્ગી 6 મહિનાના બાળકો માટે બજારમાં રસી ઉપલબ્ધ કરાવશે. બાળકોની સરખામણીએ સગીરના કોરોના ઝપેટમાં આવવાની શક્યતા વધારે છે જેથી વિશેષજ્ઞોનું માનવું છે મહામારીને રોકવા માટે બાળકોને રસી આપવી જરુરી છે.

 મોર્ડનાએ પણ બાળકો માટે કોરોનાની રસીની અસરને લઈને અધ્યયન કરી રહી

ફાયઝર અને બાયોએનટેક પોતાની રસીના ઈમરજન્સી ઉપયોગ માટે મંજૂરી માટે જલ્દી અરજી કરશે. પરંતુ આ ઉપરાંત અમેરિકાની મોર્ડનાએ પણ 12થી 17 વર્ષના બાળકો માટે કોરોનાની રસીની અસરને લઈને અધ્યયન કરી રહી છે. તેના હકારાત્મક પરિણામ સામે આવ્યા છે. આ માટે યુએસએફડીએ પહેલા જ ફાયઝર અને મોર્ડનાને 6 વર્ષના બાળકોના રસીકરણ માટે પરવાનગી આપી ચૂક્યું છે. આ ઉપરાંત એસ્ટ્રાજેનેકા ગત મહિનામાં બ્રિટનમાં 6થી 17 વર્ષના બાળકો પર રસીના અસરની શોધ શરુ કરી ચુકી છે.  જોનસન એન્ડ જોનસન પણ પીડિયાટ્રિક અધ્યયન શરુ કરવા જઈ રહ્યી છે.  તો ચીનની સિનોવેક કંપનીએ હાલમાં દાવો કર્યો છે કે તેમની રસી 3 વર્ષના બાળકો માટે સુરક્ષિત છે.

બાળકો માટે ડોઝ નક્કી કરવો સૌથી મોટો પડકાર

કંપનીઓ માટે બાળકો માટે ડોઝ નક્કી કરવો સૌથી મોટો પડકાર છે.  ફાયઝરની વાત કરીએ તો તેણે બુધવારે કહ્યું કે 12 વર્ષથી મોટા ઉંમરના બાળકો માટે રસી સુરક્ષિત અને અસરકારક છે. તેણે 12થી 15 વર્ષના 2260 અમેરિકન વોલેન્ટિયર્સને રસીના ડોઝ આપ્યા બાદ આ દાવો કર્યો છે. ફાયઝરે 12 વર્ષથી મોટી ઉંમરના બાળકો માટે રસીના ઈમરજન્સી ઉપયોગની મંજૂરી માંગવા માટે યુએસએફડીએ અને યુરોપીય નિયામકોની પાસે આવેદન કરશે.