કોરોના વેક્સીનને લઈને એમ્સમાં ટ્રાયલ શરુ થઈ ગયું છે. ટ્રાયલના પહેલા દિવસે 30 વર્ષના એક વ્યક્તિને બપોરે લગભગ દોઢ વાગ્યાની આસપાસ વેક્સીનનો ડોઝ આપવામાં આવ્યો હતો. વેક્સીન બાદ તેમાં કોઈ પણ આડઅસર જોવા મળી નથી. જે જેને પગલે તેને વધુ 2 કલાક રાખ્યા બાદ તેને હોસ્પિટલમાંથી રજા આપી દેવામાં આવી છે. એમ્સના ટ્રાયલના મેઈન ઈનવેસ્ટિગેટર ડૉ. સંજય રાયે કહ્યું કે ટ્રાયલ શરુ થઈ ગયું છે. હવે ધીરે ધીરે ટ્રાયલમાં વોલેન્ટીયરની સંખ્યામાં વધારો કરવામાં આવેશે.
2 કલાક રાખ્યા બાદ તેને હોસ્પિટલમાંથી રજા આપી દેવામાં આવી
12થી વધારે વોલેન્ટિયર્સના મેડિકલ ટેસ્ટ થઈ ચૂક્યા છે
પહેલા ફેઝમાં 375 વોલેન્ટિયર્સને રસી આપવામાં આવશે.
મળતી માહિતી મુજબ 12થી વધારે વોલેન્ટિયર્સના મેડિકલ ટેસ્ટ થઈ ચૂક્યા છે. તેમને શુક્રવારે બોલાવવામાં આવ્યા હતા. પરંતુ એક વોલેન્ટિયર અંગત કારણોસર આવ્યો નહોતો. ડૉ. સંજયે જણાવ્યું હતુ કે તેમને 2 કલાક ઓબ્જર્વેશનમાં રાખવામાં આવ્યા હતા એ બાદ તેમને ઘરે મોકલી દેવામાં આવ્યા હતા.
આજથી દિલ્હી એમ્સમાં શરુ થયેલા રસી ટ્રાયલની શરુઆતમાં 30 વર્ષના એક વ્યક્તિને ડોઝ અપાયો અને તેને રજા પણ અપાઈ છે. પહેલા ફેઝમાં 375 વોલેન્ટિયર્સને રસી આપવામાં આવશે. 2 કલાક ઓબ્જર્વેશનમાં રાખ્યા બાદ જો કોઈ આડ અસર નહીં દેખાય તો તેમને રજા આપી દેવામાં આવશે.
દિલ્હી એમ્સમાં 100 લોકો પર ટ્રાયલ થવાનું છે . જેમાં પહેલા 50 પર ટ્રાયલ થશે. ઉલ્લેખેનીય છે કે ભારતમાં તૈયાર થયેલી કોરોના વાયરસની દવા લોન્ચ થવા તૈયાર છે. ભારતની દવાની ખાસ વાત એ છે કે આ દવા ખૂબ સસ્તી અને કોરોના સામે લડવા અસરકારક છે. CSIR દ્વારા કોવિડ 19ની સારવાર માટે વિકસિત કરવામાં આવેલી દવા ફેવિપિરાવિરને લોંચ કરવા માટે દવા કંપની પૂરી રીતે તૈયાર છે. આ રસી બાદના બીજા સારા સમાચાર છે.
ફેવિપિરાવિરના ક્લિનિકલ ટ્રાયલ દરમિયાન પરિણામ સારા મળ્યા
એક સત્તાવાર નિવેદન મુજબ મૂળ સ્વરુપે જાપાનના ફુજી ફાર્મા દ્વારા તૈયાર કરવામાં આવેલી ફેવિપિરાવિરના ક્લિનિકલ ટ્રાયલ દરમિયાન પરિણામ સારા મળ્યા છે. ખાસ કરીને હળવા અને મધ્ય લક્ષ્ણોવાળા કોવિડ 19ના દર્દીઓમાં. CSIRએ સ્થાનીક લેવલ પર અવેલેબલ રસાયણોનો ઉપયોગ કરીને આ દવા તૈયાર કરવાની સસ્તી રીત શોધી તેને સિપલાને આપી છે.