અમેરિકામાં 12 થી 15 વર્ષના બાળકો માટે વેક્સિન આપવાની મંજૂરી મળી ગઈ છે
12 થી 15 વર્ષના બાળકોને ફાઇઝર-બાયોએનટેકની વેક્સિન આપવામાં આવશે
અત્યાર સુધીમાં ભારતમાં 17 કરોડ ડોઝ આપીને સૌથી ઝડપી રસીકરણ થયું
કયા સેન્ટર પર કઈ રસી મળે છે તેની જાણકારી મળશે કોવિન પ્લેટફોર્મ પર
12 થી 15 વર્ષના બાળકોને ફાઇઝર-બાયોએનટેકની વેક્સિન આપવામાં આવશે
દુનિયાભરમાં કોરોનાઈ જંગ લડવા માટે સંઘર્ષ ચાલી રહ્યો છે ત્યારે અમેરિકાના ખાદ્ય અને ઔષધિ પ્રશાસને (FDA) 10 મે નાં રોજ 12 થી 15 વર્ષના બાળકો માટે ફાઇઝર-બાયોએનટેકની વેક્સિન ઉપયોગમાં લેવાની મંજૂરી આપી દીધી છે. FDA એ જણાવ્યું કે કોરોના સામે જંગમાં અમે એક મહત્વપૂર્ણ નિર્ણય લેવા જઈ રહ્યા છીએ અને હવે 12 થી 15 વર્ષના બાળકોને ફાઇઝર-બાયોએનટેકની વેક્સિન આપવામાં આવશે.
અત્યાર સુધીમાં ભારતમાં 17 કરોડ ડોઝ આપીને સૌથી ઝડપી રસીકરણ થયું
બીજી બાજુ ભારતના સ્વાસ્થ્ય મંત્રાલયે સોમવારે જણાવ્યું કે અત્યાર સુધીમાં ભારતમાં 17 કરોડ ડોઝ આપીને સૌથી ઝડપી રસીકરણ કર્યું છે. વધુમાં તેમણે કહ્યું કે આ આંકડા સુધી પહોંચવા માટે ચીનને 119 દિવસ અને અમેરિકાને 115 દિવસ લાગ્યા હતા, જ્યારે ભારતે 114 દિવસમાં આ લક્ષ્ય પૂરું પાડ્યું છે. ભારતમાં સ્વાસ્થ્યકર્મીઓ સાથે સાથે 16 જાન્યુઆરીથી રસીકરણ શરૂ કરવામાં આવ્યું હતું. ત્યારપછી 2 ફેબ્રુઆરીથી ફ્રન્ટલાઈન વર્કર્સનું રસીકરણ શરૂ કરવામાં આવ્યું. અને છેલ્લે અલગ અલગ ઉંમર મુજબ રસીકરણની શરૂઆત થઈ.
કયા સેન્ટર પર કઈ રસી મળે છે તેની જાણકારી મળશે કોવિન પ્લેટફોર્મ પર
દેશમાં અત્યાર સુધી 17 કરોડ ડોઝ આપવામાં આવ્યા છે. સોમવારના રિપોર્ટ મુજબનો આ આંકડો છે. સાથે જ હવે ભારતમાં લોકોને પોતાની પસંદ અને અનુકૂળતા મુજબ વેક્સિન મળી રહેશે. આ માટે કોવિનની વેબસાઇટ અને એપમાં ફેરફાર પણ કરવામાં આવ્યા છે. હવે તમે આ વેબસાઇટ અને એપમાં એ પણ માહિતી મેળવી શકસો કે રસીકરણ કેન્દ્ર પર કઈ રસી મળી રહી છે. સાથે જ હવે ઉંમર મુજબ પણ રસીકરણ કેન્દ્રની માહિતી મળશે. કારણકે એક જ કેન્દ્ર પર બધી જ ઉંમરના લોકોને વેક્સિન આપવી શક્ય નથી. હાલમાં 45 વર્ષથી નીચેના તમામ લોકોએ ફરજિયાત રજીસ્ટ્રેશન કરાવવું પડશે. તેથી તે વર્ગનાં તમામ લોકોને કયા સેન્ટર પર કોવિશિલ્ડ મળી રહી છે અને કયા સેન્ટર પર કોવેક્સિન મળી રહી છે તેની જાણકારી મળશે.