કોરોનાની મહામારી સામે આખુ વિશ્વ લડાઈ કરી રહ્યું છે ત્યારે હવે આ અગેની કોરોનાની રસી અને તેનું પરીક્ષણ પણ જોરો શોરોથી ચાલી રહ્યુ છે. આ અંગે સરકાર દ્વારા રાજકોટમાં નક્કી કરવામાં આવ્યું છે કે રસી પ્રથમ આંગણવાડી મહિલાઓને આપવામાં આવશે.
સૌ પ્રથમ તબીબો, હેલ્થ વર્કર અને આંગણવાડી બહેનોને અપાશે રસી
રસીકરણ માટે તાલુકા કક્ષાએ ટાસ્ક ફોર્સની કરાઈ રચના
વિશેષ પ્રકારની કો-વિન એપ્લીકેશન પણ બનાવાઈ
તાજેતરમાં જ વડાપ્રધાન નરેન્દ્ર મોદી કોરોના વાઇરસની રસીની તૈયારી નિહાળવા અમદાવાદ આવી પહોંચ્યા હતા. ત્યારે કોરોના વાઇરસના રસીની આગમનની તૈયારીઓ થઈ રહી હોય તેવું લાગી રહ્યું છે. રાજકોટ જિલ્લા કલેકટર આદેશ બાદ રસીકરણ માટેની તૈયારીઓ શરૂ કરી દેવામાં આવી છે.
આંગણવાડી સાથે સંકળાયેલ બહેનોને આપવામાં આવશે
રસીકરણ માટે એક ડેટાબેઝ તૈયાર કરવામાં આવશે કોરોનાની રસી આવ્યા બાદ સૌપ્રથમ તે રસી તબીબો હેલ્થ વર્કર તેમજ આંગણવાડી સાથે સંકળાયેલ બહેનોને આપવામાં આવશે. આ મામલે તાલુકા કક્ષાએ ટાસ્ક ફોર્સની રચના પણ કરી દેવામાં આવી છે. વહેલી તકે રસીકરણ અને તેને સંલગ્ન કામગીરી માટે વધુમાં વધુ લોકોને જોડીને ટીમ બનાવવા સૂચના આપવામાં આવી છે.
લાભાર્થીઓની ડેટાએન્ટ્રી કરાશે તેમજ રીયલ ટાઈમ મોનીટરીંગ કરાશે
આ ફોર્સની કામગીરી વેક્સિનેશન કરી શકે તેવી અલાયદી સિસ્ટમ ઉભી કરવાની છે. જેથી સામાન્ય દિવસોમાં જે રસીકરણ થાય છે. તેમાં કોઇ દખલ ન થાય આ માટે ખાસ પ્રકારની કો-વિન એપ્લીકેશન બનાવાઈ છે. જેમાં રસીના લાભાર્થીઓની ડેટાએન્ટ્રી કરાશે તેમજ રીયલ ટાઈમ મોનીટરીંગ કરાશે. ઉપરાંત વેક્સિન લોજિસ્ટિક્સ તેમજ કોલ્ડ ચેઈન નક્કી કરવી જેવી અનેક કામગીરી કરવાની રહેશે.