ચિંતા / ફ્રી કોરોના વેક્સીનને લઈને રાહુલ ગાંધીએ ફરી PM પર સાધ્યું નિશાન, કહ્યું...

• રાહુલ ગાંધીનો PM પર પ્રહાર
• પહેલાં ફ્રીમાં કોરોના વેક્સીન આપવાનો કર્યો વાયદો અને પછી કર્યો ઈન્કારઃ રાહુલ ગાંધી
• શું છે PM મોદીનું સ્ટાન્ડર્ડ?- રાહુલ ગાંધી

વેક્સીન આવવાની આશાની સાથે લોકોના મનમાં સવાલ છે કે આખરે તેમને વેક્સીન ક્યારે મળશે. કોંગ્રેસ પણ આ સવાલ સરકારને કરી રહી છે. કોંગ્રેસના પૂર્વ અધ્યક્ષ રાહુલ ગાંધીએ કહ્યું કે પ્રધાનમંત્રીએ કહ્યું હતું કે દરેકને વેક્સીન મળશે. બિહારની ચૂંટણીમાં ભાજપે કહ્યું હતું કે દરેક બિહારવાસીઓને ફ્રીમાં વેક્સીન મળશે અને હવે ભારત સરકાર તેની ના પાડી રહી છે.

PM- Everyone will get vaccine.

BJP in Bihar elections- Everyone in Bihar will get free vaccine.

Now, GOI- Never said everyone will get vaccine.

Exactly what does the PM stand by?

— Rahul Gandhi (@RahulGandhi) December 3, 2020

પીએમ મોદીનું સ્ટેન્ડર્ડ શું છેઃ રાહુલ ગાંધી

કેન્દ્રીય સ્વાસ્થ્ય સચિવના નિવેદનનો ઉલ્લેખ કરતાં કોંગ્રેસના પૂર્વ અધ્યક્ષ રાહુલ ગાંધીએ કહ્યું કે સરકાર કહી રહી છે કે અમે દરેકને વેક્સીન આપવાનો વાયદો કર્યો નથી. આ સમયે પીએમ મોદીનું સ્ટેન્ડર્ડ શું છે. આ પહેલાં કોંગ્રેસે પૂછ્યું કે શું લોકોને વેક્સીન મળશે કે તેને માટે પણ તેઓએ આત્મનિર્ભર બનવાનું રહેશે. 

ભારતમાં વેક્સીનની સ્થિતિ
  
અમદાવાદમાં ઝાયડસ- કેડિલા જાયકોવ-ડી નામની વેક્સીન બનાવી રહી છે, જે સંપૂર્ણ રીતે દેશી છે તેના 2 ટ્રાયલ થઈ ચૂક્યા છે. તો હૈદરાબાદમાં ભારત બાયોટેક આઈસીએમઆરની સાથે મળીને કોવેક્સીન નામની વેક્સીન બનાવી રહી છે. એમ્સ સહિતની 25 હોસ્પિટલમાં તેનું ત્રીજા ફેઝનું ટ્રાયલ ચાલી રહ્યું છે. 
 

વેક્સીનની રેસમાં સૌથી આગળ પુનામાં બની રહેલી કોવિશીલ્ડ વેક્સીન છે. તેને સીરમ ઈન્સ્ટિટ્યૂટ બ્રિટિશ ફાર્મા કંપની એસ્ટ્રાજેનેકા અને ઓક્સફર્ડ યૂનિવર્સિટીની સાથે મળીને બનાવી રહી છે. આ વેક્સીન દેશમાં સૌથી આગળ છે. જ્યારે તેના ત્રીજા ફેજનું ટ્રાયલ પણ 60-70 ટકા સુધી અસરકારક રહ્યું છે. વેક્સીનને મંજૂરી મળવાની રાહ જોવાઈ રહી છે.