તમારા કામનું / વેક્સિનના સર્ટિફિકેટમાં થઈ છે કોઈ ભૂલ? હવે ઘરે બેઠા આ રીતે કરો સુધારો

• વેક્સિનના સર્ટિફિકેટમાં ભૂલ હવે જાતે સુધારી શકાશે 
• જન્મતિથિ અને લિંગમાં કોઈ ભુલ હોય તો તેને સુધારી શકાશે 
• કોવિનની વેબસાઈટ દ્વારા કરો સુધારો 

કોરોનાની વેક્સિન લીધા બાદ મિળેલા વેક્સિન સર્ટિફિકેટમાં કોઈ ભુલ થઈ ગઈ હોય તો હવે તમે તેને જાતે સુધારી શકો છો. કેન્દ્ર સરકારે આજે એક નવા અપડેટની જાહેરાત કરી છે. જેમાં હવે તમે સર્ટિફિટેક પર પોતાનું નામ, ડેટ ઓફ બર્થ અને જેન્ડરને બદલી શકશે. 

કોવિનની વેબસાઈટ દ્વારા કરો સુધારો 
કેન્દ્ર સ્વાસ્થ્ય મંત્રાલયના સચિવ વિકાસ શીલે કહ્યું કે યુઝર્સ કોવિન વેબસાઈટ દ્વારા આ સુધારો કરી શકો છો. આરોગ્ય સેતુ એપના ઓફિશ્યલ હેન્ડલ પર એક ટ્વીટ કરવામાં આવ્યું છે. "જો કોવિન વેક્સિનેશન સર્ટિફિરેટમાં અજાણ્યામાં તમારા નામમાં, જન્મતિથિમાં અને લિંગમાં કોઈ ભૂલ થઈ ગઈ હોય તો તમે તેને સુધારી શકો છો. કોવિનની વેબસાઈટ પર આવો અને આ સંબંધમાં પોતાની સમસ્યા જણાવો."

કોવિડ વેક્સિન સર્ટિફિકેટ મુસાફરી વખતે કોઈ બીજી જગ્યા પર આવવા જવામાં મદદ કરે છે. તે પહેલા સરકારે વેક્સિન લગાવી ચુકેલા લોકોને સ્વ-મૂલ્યાંકન પ્રક્રિયાના માધ્યમથી આરોગ્ય સેતુ એપ પર પોતાની સ્થિતિ સ્વેચ્છાથી અપડેટ કરવાની અનુમતિ આપી હતી. 

બન્ને ડોઝ લઈ ચુકેલા લોકોને એપ પર દેખાશે બે ટીક 
જે લોકોને વેક્સિનનો પહેલો ડોઝ મળ્યો છે તેને પોતાની હોમ સ્ક્રીન પર વેક્સિનેશન સ્ટેટસની સામે વાદળી રંગની એક ટીક જોવા મળશે અને બન્ને ડોઝ લઈ ચુકેલા લોકોને એપ પર 14 દિવસ બાદ વાદળી રંગના બે ટીક જોવા મળશે. આ બન્ને ટીક કોવિન પોર્ટલથી વેક્સિનની સ્થિતિની ચકાસણી બાદ જોવા મળશે. 

વેક્સિનેશનની સ્થિતિને કોવિન પર રજીસ્ટ્રેશન માટે ઉપયોગમાં લેવામાં આવેલા મોબાઈલ નંબર દ્વારા અપડેટ કરવામાં આવશે. રાષ્ટ્રવ્યાપી વેક્સિનેશન અભિયાન હેઠળ અત્યાર સુધી કોવિડ-19ની કુલ 23,90,58,360 ડોઝ આપી દેવામાં આવ્યા છે.