કોવિન વેબ પાર્ટલ, આરોગ્ય સેતુ એપ અને ઉમંગ એપની સાથે સાથે 91 નવી એપ્સ અને વેબસાઇટને COWIN સાથે જોડી દેવામાં આવી છે
COWIN પોર્ટલના ચેરમેન આર. એસ શર્માએ આપી જાણકારી
સ્લોટ ખાલી છે કે નહીં, તે વિશે પણ જાણકારી મળી શકે
પબ્લિક એપીઆઈનું પણ સંશોધન કર્યું
COWIN પોર્ટલના ચેરમેન આર. એસ શર્માએ આપી જાણકારી
વેકસીનેશન સ્લોટ બુકિંગને લઈ એક મહત્વના અને સારા સમાચાર આવ્યા છે. COWIN પોર્ટલ સાથે 91 બીજી નવી થર્ડ પાર્ટી એપ્સ અને વેબસાઇટ જોડવામાં આવી છે. હવે રેલવે અને એરલાઇન્સ ટિકિટ બુકિંગની જેમ સ્લોટ બુક થઈ શકશે. COWIN પોર્ટલના ચેરમેન આર. એસ શર્મા એ કહ્યું કે હવે કોવિન વેબ પાર્ટલ, આરોગ્ય સેતુ એપ અને ઉમંગ એપની સાથે સાથે 91 નવી એપ્સ અને વેબસાઇટને COWIN સાથે જોડી દેવામાં આવી છે. સાથે જ દસ રાજ્યો સરકારના બુકિંગ પ્લેટફોર્મ પણ હવે COWIN સાથે જોડી દેવામાં આવ્યા છે. એટલે કે રાજ્ય સરકારના આ પેલટફોર્મ દ્વારા પણ હવે વેક્સિનના સ્લોટ બુક થઈ શકશે.
સ્લોટ ખાલી છે કે નહીં, તે વિશે પણ જાણકારી મળી શકે
કેન્દ્ર તરફથી આપવામાં આવેલા નિર્દેશ હાલ વેબસાઇટમાં પણ અપડેટ કરેલ છે, જયાં થર્ડ પાર્ટી એપ્સના ડેવલોપર્સને માત્રને માત્ર સ્લોટ ખાલી છે કે નહીં, તે વિશે પણ જાણકારી મળી શકે છે અને તેના પરથી વેક્સિન લીધાનું પ્રમાણપત્ર પણ ડાઉનલોડ પણ કરી શકાય તેવી સુવિધા પણ કરવામાં આવી છે. કેન્દ્ર તરફથી આ નિર્ણય એવા સમયે લેવામાં આવ્યો કે જ્યારે સમગ્ર દેશમાં કોરોનાની રસીની અછત સર્જાઇ રહી છે અને આ કારણે કોવિન વેબસાઇટ પર કોઈ વાર સ્લોટ પણ બુક નથી થતાં. હવે આ નિર્ણય બાદ લોકોને થર્ડ પાર્ટી એપ્સ પર આ વેક્સિન સ્લોટ બુક કરવાની અનુમતિ મળી ગઈ છે.
પબ્લિક એપીઆઈનું પણ સંશોધન કર્યું
કોવિન માટે બનાવેલ માસ્ટર ડેટાબેઝમાં ડેવલોપર તરફથી જ પરિવર્તન થશે. હાલ ભારત સરકારની આરોગ્ય સેતુ અને ઉમંગ માત્ર આ બે જ એપ્લિકેશનમાંથી યુઝર્સ વેક્સિનની અપોઇન્ટમેન્ટ અને સ્લોટ બુક કરી શકતા હતા.પણ હવે થર્ડ પાર્ટી એપ્સ પર પણ આ બધા સાથે સ્લોટની ઉપલબ્ધતા પણ જોઈ શકાશે.હાલમાં જ સરકારે થર્ડ પાર્ટી એપ્સને અપોઇન્ટમેન્ટ ડેટાને અલગ કરવા માટે કોવિન માટે પબ્લિક એપીઆઈનું સંશોધન કર્યું, જેના કારણે હવે PAYTM, મેક્સ હેલ્થકેર, ઇંડિગો, હેલ્થીફાર્મસી, DR. REDDYS, MAKE MY TRIP જેવા પ્રાઇવેટ પ્લેટફોર્મ પરથી પણ વેક્સિનનો સ્લોટ બુક થશે.