કેન્દ્ર સરકારના દાવાની સામે હકીકતમાં ઘણા વેક્સિન સેન્ટર પર વેક્સિન ઉપલબ્ધ જ નથી અને ઘણા સેન્ટરો તો બંધ કરી દેવામાં આવ્યા છે.
વેકસીનેશનની ઝડપ ફરી એકવાર ધીમી પડી
લોકો વહેલી સવારથી લાઇનમાં ઊભા રહે છે
લોકો વેક્સિન લેવા માટે પડાપડી કરી રહ્યા છે
વેકસીનેશનની ઝડપ ફરી એકવાર ધીમી પડી
કોરોના વાયરસની ત્રીજી લહેરની આશંકાઓ વચ્ચે દેશમાં વેકસીનેશનની ઝડપ ફરી એકવાર ધીમી પડી છે. કેન્દ્ર સરકારના દાવાની સામે હકીકત કઈ અલગ જ છે. આખા દેશમાં ઘણા વેક્સિન સેન્ટર પર વેક્સિન ઉપલબ્ધ જ નથી અને ઘણા સેન્ટરો તો બંધ કરી દેવામાં આવ્યા છે. આ સાથે જ એવા પણ રિપોર્ટ સામે આવ્યા છે કે લોકો વહેલી સવારથી લાઇનમાં ઊભા રહી જાય છે પણ છેલ્લી ઘડીએ તેમને અધિકારીઓ દ્વારા કહેવામાં આવે છે કે તે સેન્ટર પર આજે વેક્સિન ઉપલબ્ધ જ નહીં થાય.
લોકો વહેલી સવારથી લાઇનમાં ઊભા રહે છે
જો આવા રાજ્યોની વાત કરીએ તો ગુજરાતથી માંડીને, નોઇડા, ગાઝિયાબાદ, હિમાચલ પ્રદેશ, બેંગલોર, દિલ્હી સહિતના ઘણા રાજ્યોના મોટાભાગના શહેરોમાં વેક્સિનની અછત છે તે હકીકત સામે આવી છે. જો અમદાવાદની વાત કરીએ તો ઠેર ઠેર PM મોદીના મોટા હોર્ડિંગ્સ લાગ્યા છે કે મફતમાં વેક્સિન આપવા બદલ આભાર મોદીજી. પણ હકીકત સાવ અલગ જ છે. વેક્સિન સેન્ટરોમાં પર્યાપ્ત વેક્સિન છે જ નહીં. સેન્ટર પર લોકો વહેલી સવારથી લાઇનમાં ઊભા રહે છે પણ એક સેન્ટર પર માત્ર 100 લોકોને જ વેક્સિન આપવામાં આવે છે.
લોકો વેક્સિન લેવા માટે પડાપડી કરી રહ્યા છે
બીજી બાજુ ગુજરાત સરકાર દ્વારા એલાન કરવામાં આવ્યું હતું કે હવે રજીસ્ટ્રેશન કર્યા વિના પણ વેક્સિન આપવામાં આવશે. પણ હકીકત એવી છે કે સરકાર દ્વારા ઘણા બધા વેક્સિન સેન્ટર બંધ કરી દેવામાં આવ્યા છે. સાથે જ સવારના 6 વાગ્યાથી લોકો વેક્સિન માટે લાઇનમાં ઊભા રહી જાય છે. અધિકારીઓ 9 વાગે આવે છે અને 10 વાગ્યે લોકોને જાણ કરે છે માત્ર 100 લોકોને જ વેક્સિન આપવામાં આવશે. આવા હાલ માત્ર ગુજરાતના જ નથી, નોઇડા, ગાઝિયાબાદ, હિમાચલ પ્રદેશ, બેંગલોર, દિલ્હી, મધ્યપ્રદેશ, કર્ણાટકમાંથી એવા દ્રશ્યો સામે આવ્યા છે જ્યાં લોકો વેક્સિન લેવા માટે પડાપડી કરી રહ્યા છે.