લોકોને કોરોના વાયરસની રસીનો ડોઝ આપવામાં કોઇ અડચણ ન આવે તથા દેશના ખૂણે ખૂણે વેક્સિન પહોંચે તે માટે સરકારે તડામાર તૈયારી કરી છે.
ભારતમાં લોકોને વેક્સિન આપવા માટે સરકારની તૈયારી
બ્લોક સ્તર પર કરવામાં આવ્યું માઇક્રોમેનેજમેન્ટ
ચૂંટણી પ્રક્રિયા અનુસાર જ આપવામાં આવશે વેક્સિન
20 મંત્રાલય અને 23 વિભાગ કામ પર લાગ્યા
ભારતમાં કોરોના વાયરસની રસીને લઈને બધાને આતુરતાથી રાહ છે ત્યારે દેશના ખૂણે ખૂણે સુવિધાજનક રીતે વેક્સિન પહોંચે તે માટે સરકારે કમર કસી લીધી છે. નક્સલ પ્રભાવિત વિસ્તારઠ લઈને વેક્સિનના બૂથ પર ભીડ ભેગી ન થાય ત્યાં સુધી માઇક્રો મેનેજમેન્ટ તૈયાર કરવામાં આવ્યું છે. દેશભરમાં કોરોના વેક્સિનના રોલ-આઉટ માટે સ્વાસ્થ્ય મંત્રાલય સિવાય 20 મંત્રાલય અને 23 વિભાગ મહત્વની ભૂમિકા ભજવશે.
બ્લોક સ્તર સુધી કામગીરી
સ્વાસ્થ્ય મંત્રાલય અનુસાર કોરોના વાયરસ માટે નેશનલ એક્સપર્ટ ગ્રુપ ઑન વેક્સિન એડમિનિસ્ટ્રેશનના માર્ગદર્શનમાં ઘણા બધા મંત્રાલય અને વિભાગો વેક્સિનેશનના કામમાં લાગેલા છે. સ્વાસ્થ્ય મંત્રાલયે કહ્યું કે વેક્સિન માટે રાષ્ટ્રીય, રાજ્ય, જિલ્લા અને બ્લોક સ્તર નક્કી કરી દેવામાં આવ્યા છે.
હજારો લોકોને અપાઈ ટ્રેનિંગ
સ્વાસ્થ્ય મંત્રીએ કહ્યું હતું કે અમે વેકસીનેશન ચૂંટણી પ્રક્રિયા અનુસાર જ બૂથ સ્તર પર કરીશું જેમાં 719 જિલ્લાના 57 હજાર પ્રતિભાગીઓએ ટ્રેનિંગ પૂરી કરી છે. અત્યાર સુધી 96 હજાર જેટલા લોકોને કોરોના વાયરસની રસી માટે ટ્રેનિંગ આપવામાં આવી છે.
કોલ્ડ ચેનની પણ તડામાર તૈયારી
મીડિયા રીપોર્ટ અનુસાર ભારતમાં 82 લાખ સાઇટ્સ છે જેમાંથી સોશ્યલ ડિસ્ટન્સને ધ્યાનમાં રાખીને નક્કી કરાયેલ સાઇટ્સનો ઉપયોગ કરવામાં આવશે. ભારતમાં અત્યારે 28, 900 કોલ્ડ ચેન પોઇન્ટ્સ છે અને 85 હજારથી વધારે ઉપકરણ છે. જોકે મંત્રાલય દ્વારા આ નેટવર્કને મોટું કરવા માટે કવાયત હાથ ધરવામાં આવી રહી છે.