સંક્રમણ / કેસોનો રાફડોઃ વડોદરાના આ વિસ્તારમાં એક સાથે 400 લોકોના કોરોના ટેસ્ટ પોઝિટીવ

• વડોદરાના GIDC વિસ્તારમાં પણ કોરોનાનો પ્રવેશ
• નંદેસરીના ઓદ્યોગિક એકમોમાં કોરોનાની એન્ટ્રી
• 400 જેટલા કર્મીઓ પોઝિટિવ આવતા ફફડાટ

વડોદરાના GIDC વિસ્તારમાં કોરોનાના કેસોનો બ્લાસ્ટ થયો છે. નંદેસરીના ઓદ્યોગિક એકમોમાં કોરોનાની એન્ટ્રી થઈ ચૂકી છે. નામાંકિત કંપનીઓના કર્મીઓ બલ્કમાં કોરોના સંક્રમિત થયા છે. 400 જેટલા કર્મીઓ પોઝીટિવ આવતા ફફડાટ ફેલાયો થયો છે. દિપક નાઈટ્રેટ, સુદકેમી, કોરોમન્ડલમ કંપનીઓમાં કોરોનાનો બ્લાસ્ટ થયો છે. રણોલી GIDCની GACL કંપનીમાં કોરોનાનો પગપેસારો થઈ ચૂક્યો છે. પોઝિટિવ કર્મીઓને હાલ હોમ ક્વોરન્ટાઇન થયા છે.

વડોદરા શહેરમાં કોરોનાના વધતા સંક્રમણ વચ્ચે ચોંકાવનારા આંકડા સામે આવ્યા છે. વડોદરામાં દર 16 કેસોના ટેસ્ટિંગમાંથી એક કેસ પોઝિટીવ આવી રહ્યો છે. જે પહેલા 48 ટેસ્ટિંગ બાદ એક પોઝિટીવ આવતો હતો. ગઈકાલે 5512 ટેસ્ટ કરવામાં આવ્યા હતા. જેમાં 354 કેસો આવ્યા હતા. આ નવા રેશિયોને લઈ ચોક્કસથી તંત્રની ચિંતામાં વધારો થયો છે.

કોરોનાની પરિસ્થિતિ જોતા હવે વધુ 47 ડૉકટરોને ગાંધીનગર અને ભરૂચથી મદદ માટે બોલાવાયા છે. તો આ પહેલા ભાવનગરથી 15 ડૉક્ટરને મદદમાં બોલાવી લેવામાં આવ્યા છે. સાથે ગોત્રી અને SSG હોસ્પિટલમાં ડેપ્યુટેશન પૂરી થતા તેમને ફરજ ઉપરથી છૂટા કરી દેવામાં આવ્યા છે. જે જગ્યાઓ માટે હવે હાલમાં જ MBBS પાસ કરેલા વિદ્યાર્થીઓને સહાયક તરીકે જોડવામાં આવ્યા છે. તો નર્સિગના 78 કર્મીઓ પણ મેડીકલ સહાયક તરીકે જોડાશે.

કોરોનાના કહેર વચ્ચે ગઈકાલે 25 લોકોના કોરોના લીધે મોત નિપજ્યા હતા. જોકે તંત્રના ચોપડે માટે એક જ મોત નોધાયું હતું. કોરોનાની કહેર વચ્ચે MGVCLના 6 કર્મચારીઓ 10 જેટલા શિક્ષકો અને ક્રિકેટર ઈરફાન પઠાણ અને ભાજપના સંસદ મેયર અને કોર્પોરેટર પણ સંક્રમિત થઈ ગયા છે. અત્યાર સુધી કોરોનાના કુલ કેસ 27,998 જયારે 1857 દર્દીઓ વેન્ટીલેટર અને ઓક્સીજન ઉપર છે. હાલ તો, વડોદરા તંત્ર માટે વધતા કોરોના કેસ માથાનો દુઃખાવો બની ગયો છે. 

કોરોનાગ્રસ્ત સરકારી કચેરીના કર્મીઓ માટે મુખ્યમંત્રીનો નિર્ણય કર્યો છે. 10 દિવસની રજા કોરોનાગ્રસ્ત કર્મચારીને મળશે. રજા જમા નહીં હોય તો પણ કર્મચારીઓને રજા મળશે. 10 દિવસની રજાના પગારની પણ નિયમિત ચુકવણી થશે. સરકારી કર્મી, ફિક્સ પગાર કર્મી અને કરાર આધારિત કર્મીને લાભ મળશે.