દેશ સહિત વિશ્વના ઘણા દેશોએ કોરોના વાયરસે વેરેલો વિનાશ જોયો છે. દેશમાં ગયા વર્ષે બીજી લહેર દરમ્યાન ઘણા મોત થયા. જો કે, ત્રીજી લહેર દરમ્યાન દેશમાં કોઈ ખાસ અસર થઇ નથી. કોરોના વાયરસ પ્રારંભથી જ પોતાનુ સ્વરૂપ બદલતુ રહ્યું છે.
હવે બનવાની છે કોરોનાની સુપર વેક્સિન!
આ વેક્સિન કોરોનાના દરેક વેરિએન્ટ સામે લડવામાં કરશે મદદ
બૂસ્ટર ડોઝમાંથી મળતુ પ્રોટેક્શન પણ સમયની સાથે થાય છે ઓછુ
કોરોનાના ઘણા વેરિએન્ટ જેમકે ડેલ્ટા અને ઓમિક્રોન લોકોને જોવા મળ્યાં. ઘણા વૈજ્ઞાનિકોનું કહેવુ છે કે કોઈ પણ વેક્સિન બધા વેરિએન્ટમાં અસર કરતી નથી. ઘણા દેશોમાં વેક્સિનનો બૂસ્ટર ડોઝ લગાવવાનો નિર્ણય કરવામાં આવ્યો. આ દરમ્યાન યુનિવર્સલ વેક્સિન બનાવવાની ચર્ચા ઝડપી બની છે. યુનિવર્સલ વેક્સિનનો અર્થ એવી વેક્સિનથી છે, જે કોરોનાના દરેક વેરિએન્ટ સામે લડવામાં મદદ કરે છે. એક અખબારમાં છપાયેલા આર્ટિકલ પ્રમાણે વેરિએન્ટ પ્રુફ વેક્સિન બનાવવાની વાત કરે છે. આ આર્ટિકલમાં કહેવામાં આવ્યું છે કે બૂસ્ટર ડોઝમાંથી મળતુ પ્રોટેક્શન સમયની સાથે ઓછુ થઇ જાય છે. આર્ટિકલમાં આવી વેક્સિનની જરૂરીયાત પર ભાર આપવામાં આવ્યો છે, જે સંક્રમણ પર રોકે અને ગંભીર બિમારી પણ.
આવી વેક્સિન બનાવવી છે શક્ય
યુનિવર્સલ વેક્સિનની વાત નવી નથી. વૈજ્ઞાનિકો એક દાયકાથી પણ વધુ સમયથી યુનિવર્સલ ફ્લૂ શોટ બનાવવાનો પ્રયાસ કરી રહ્યાં છે. 2019માં એક વેક્સિનના ટ્રાયલ શરૂ થયા હતા. પરંતુ અત્યાર સુધી આ માર્કેટ માટે મંજૂરી આપવામાં આવી નથી. ફાઉચી અને અન્ય નિષ્ણાંતોનું માનવુ છે કે કોરોના વેરિએન્ટ અને ભવિષ્યમાં કોરોના માટે યુનિવર્સલ વેક્સિન જલ્દી નહીં આવે. પરંતુ નવુ રિસર્ચ જણાવે છે કે આવી વેક્સિન બનાવવી શક્ય છે.
આ રીતે કરશે વેક્સિન કામ
યુનિવર્સલ વેક્સિનમાં વાયરસના એવા ભાગ પર પ્રહાર કરવામાં આવશે, જે વેરિએન્ટ બદલાતા પણ એકજેવા રહે છે. જો ઈમ્યુન સિસ્ટમને આ ભાગની ઓળખમાં ટ્રેન કરી લેવામાં આવે તો આ પ્રકારની વેક્સિન બનાવાઈ શકે છે. ઉલ્લેખનીય છે કે અમેરિકન સેનાના વોલ્ટર રીડ આર્મી ઈન્સ્ટીટ્યુટ ઑફ રિસર્ચ પોતાની પેન-કોરોના વાયરસ વેક્સિનના ફેઝ 1 પરિણામોની રાહ જોઈ રહ્યું છે. આ સિવાય DIOSyn નામની એક કંપની પણ આવી વેક્સિન ડેવલપ કરી રહી છે. આશા સેવાઈ રહી છે કે યુનિવર્સ વેક્સિન ટૂંક સમયમાં તૈયાર થશે.