આવી પરિસ્થિતિમાં લગભગ એક વર્ષથી વિદ્યાર્થીઓ લખાણથી અળગા રહ્યા હોવાના કારણે તેમની રાઈટિંગ સ્કિલ બગડી છે.
પરીક્ષાઓ પણ કમ્પ્યૂટર પર ઓનલાઇન લેવાય છે
આખું વર્ષ વિદ્યાર્થીઓ ઓનલાઈન ભણ્યા, પરંતુ લખવાની ટેવ છૂટી ગઈ છે
સાથે જ હેન્ડ રાઈટિંગ બગડી રહ્યા છે
કોરોનાકાળને લઈ અમદાવાદ સિહત દેશભરમાં ઓનલાઇન અભ્યાસ અને પેપરલેસ એક્ઝામ હવે નવાઈની વાત નથી. વિવિધ અભ્યાસક્રમોની એન્ટ્રન્સ એક્ઝામથી લઈ સરકારી નોકરીઓની પરીક્ષાઓ પણ હવે કમ્પ્યૂટર પર ઓનલાઇન લેવાઈ રહી છે, લખવાની આદત ભૂલી જવાના કારણે અને ઓનલાઇન અભ્યાસના લીધે વિદ્યાર્થીઓના હેન્ડ રાઈટિંગ એટલા બધા ખરાબ થયા છે કે પરીક્ષકો તેને વાંચી પણ શકતા નથી.
કોરોનાકાળ દરમિયાન આ શૈક્ષણિક વર્ષ લગભગ ઓનલાઈન સ્ટડીમાં જ પસાર થયું છે ત્યારે મોટા ભાગના વિદ્યાર્થીઓને રાઈટિંગ સ્કિલનો પ્રશ્ન સતાવી રહ્યો છે. આખું વર્ષ વિદ્યાર્થીઓ ઓનલાઈન ભણ્યા, પરંતુ લખવાની ટેવ છૂટી ગઈ છે. આવી પરિસ્થિતિમાં લગભગ એક વર્ષથી વિદ્યાર્થીઓ લખાણથી અળગા રહ્યા હોવાના કારણે તેમની રાઈટિંગ સ્કિલ બગડી છે. હવે કોઈ પણ સ્પર્ધાત્મક પરીક્ષામાં માત્ર ત્રણ કલાકમાં પેપર કેવી રીતે પૂર્ણ કરવું તે વિદ્યાર્થીઓ માટે મૂંઝવણ બન્યું છે.
હેન્ડ રાઈટિંગ બગડી રહ્યા છે
એ-વન સ્કૂલનાં પૂર્વ ટીચર અલકાબહેન પરીખના જણાવ્યા મુજબ 15-20 વર્ષ પહેલાં વિદ્યાર્થીઓ ઘણું લખતા હતા. સ્કૂલથી માંડી ઘર સુધી તેમના અનેક કલાકો લખવામાં વીતી જતા હતા પણ હવે પરીક્ષાને બાકાત રાખીએ તો વિદ્યાર્થીઓ ભાગ્યે જ કંઇ લખે છે. શિક્ષક હોવાના કારણે કેટલાક ખરાબ હેન્ડ રાઈટિંગના મુદ્દે ચિંતિત છે. તેમનું કહેવું છે કે વિદ્યાર્થીઓને સાવચેત કરવા છતાં તેમના હેન્ડ રાઈટિંગ સતત બગડી રહ્યા છે તે નજરઅંદાજ ન થઇ શકે તેવી હકીકત છે.
લખવાની ઝડપ પણ ઘટી છે
હવે તો ખરાબ અક્ષરો વિદ્યાર્થી અને પરીક્ષક બંને માટે મોટી મુશ્કેલી બની ગયા છે. લખવાની ટેવ છૂટી જવાના કારણે વિદ્યાર્થીઓના હેન્ડ રાઈટિંગ તો બગડ્યા જ છે, સાથે-સાથે લખવાની ઝડપ પણ ઘટી છે. પરીક્ષામાં તેઓ જવાબ જાણતા હોવા છતાં પૂરો જવાબ લખી શકતા નથી. પરીક્ષક માટે મુશ્કેલી છે કે તે વિદ્યાર્થીના હેન્ડ રાઈટિંગ વાંચી નથી શકતા. આ સંજોગોમાં ના તો તે કોઇને વિશ્વાસપૂર્વક માર્ક્સ આપી શકે છે અને ના તો કોઈના માર્ક્સ કાપી શકે છે.
પહેલાની જેમ જલ્દી લખી શકાતું નથી
વિદ્યાર્થીઓના જણાવ્યા મુજબ તેમને આટલી મુશ્કેલી પડે છે, જેમાં પહેલાં વધુ લખી શકતા, હવે જલ્દી થાકી જવાય છે. એકસાથે લાંબું લખી શકતા નથી, હાથમાં ખાલી ચડી જાય છે. બોલપેન પકડવામાં ગ્રિપ નથી આવતી. પરીક્ષામાં ખરાબ રાઈટિંગના માર્ક કપાવવાની ચિંતા સતાવે છે. એક વર્ષથી લખ્યું નથી એટલે હવે ગ્રિપ છૂટી ગઈ છે.