કોરોનાની બીજી લહેર દરમિયાન દેશમાં ઉભા થયેલા ઓક્સિજન સંકટને લઈને ખૂબ કોહરામ મચ્યો હતો.
ઓક્સિજન કમિટીનો રિપોર્ટ
દિલ્હી સરકારે વધુ ઓક્સિજન માગ્યો
4 ગણો વધુ ઓક્સિજન માગવાનો આક્ષેપ
આ કપરા કાળમાં મોટા-મોટા શહેરમાં લોકો ઓક્સિજન માટે ભટકી રહ્યા હતા. હોસ્પિટલમાં પણ ઓક્સિજનની અછત સર્જાયેલી હતી. ત્યારે સુપ્રીમ કોર્ટ દ્વારા એક ઓક્સિજન ઓડિટ ટીમ બનાવવામાં આવી હતી જેણે રિપોર્ટ રજૂ કર્યો છે.
દિલ્હી સરકાર સામે ઉઠ્યા સવાલ
રિપોર્ટમાં દિલ્હી સરકાર દ્વારા ત્યારે કરવામાં આવેલ ઓક્સિજન સંકટના દાવાને લઈને સવાલ ઉભા કર્યા છે. રિપોર્ટમાં જણાવ્યા પ્રમાણે જ્યારે દિલ્હી સરકાર દ્વારા 1200 મેટ્રીક ટન ઓક્સિનની માગને લઈને કોહરામ મચાવ્યો હતો ત્યારે દિલ્હીમાં માત્ર 300 મેટ્રીક ટન ઓક્સિજનની જ જરૂર હતી.
દિલ્હીના કારણે અનેક રાજ્યોમાં તકલીફ
રિપોર્ટમાં એવો પણ દાવો કરવામાં આવ્યો છે કે, આ માગને કારણે 12 રાજ્યોમાં ઓક્સિજનની અછત ઉભી થઈ હતી. કારણ કે માગને કારણે વધુ પ્રમાણમાં દિલ્હીમાં મોકલવામાં આવી રહ્યો હતો ઓક્સિજનનો જથ્થો.
ઓક્સિજન ટાસ્ક ફોર્સ પ્રમાણે 29 એપ્રિલથી 10 મે વચ્ચે કેટલીક હોસ્પિટલમાં ડેટા ઠીક કરવામાં આવ્યો હતો. દિલ્હી સરકારે આ દરમિયાન 1140MT ઓક્સિજનની જરૂરીયાત બતાવી હતી જ્યારે કરેક્શન બાદ 209 MT પહોંચ્યો.
દિલ્હીમાં મચ્યો હતો ઓક્સિજનને લઈને હાહાકાર, SCએ બનાવી હતી ટાસ્ક ફોર્સ
આપને જણાવી દઇએ કે, બીજી લહેર દરમિયાન દિલ્હીમાં ઓક્સિજનને લઈને હાહાકાર મચ્યો હતો. ત્યારે દિલ્હીની અનેક હોસ્પિટલ દ્વારા હાઈકોર્ટ, સુપ્રીમ કોર્ટમાં તાત્કાલિક અસરથી ઓક્સિજનની સપ્લાઈ વધારવા માટે અપીલ કરવામાં આવી હતી.
આ દરમિયાન સુપ્રીમ કોર્ટમાં જસ્ટિસ ડીવાઈ ચંદ્રચૂડ અને જસ્ટિસ એમઆર શાહની બેંચે 12 સભ્યોની ટાસ્ક ફોર્સની રચના કરી અને તેને ઓક્સિજન વિતરણ,જરૂરીયાત અને સપ્લાઈ પર ઓડિટ તૈયાર કરી હતી.