OMG / કોરોનાની એવી એક અફવા ઉડી કે લોકોએ કૉન્ડોમ ખરીદવા માટે કરી પડાપડી

• ચીનમાં કોરોનાના કારણે 1500થી વધુ લોકો મૃત્ય પામ્યા
• સિંગાપુરમાં કોરોનાને લઈને ભય છે
• લોકોએ કોન્ડમ ખરીદવાના શરુ કર્યા

ચીનમાં કોરોના વાયરસે હાહાકાર મચાવી નાખ્યો છે. અને અત્યાર સુધી 1500થી વધુ લોકોના મોત થઈ ગયા છે. લોકોમાં ખુબ ભય ફેલાયેલો કછે. ત્યારે લોકો વસ્તુઓને અડતાં પણ ગભરાય છે. ચીન બાદ સિંગાપોરમાં કોરોનાવાયરસનો ડર ફેલાયેલો છે. 

સિંગાપોરમાં કોરોના વાયરસના કારણે ઓરેન્જ એલર્ટ જાહેર કરવામાં આવ્યું છે. માર્કેટમાં માસ્ક ખરીદવા માટે લોકો ઉમટી પડ્યા છે. અને માસ્ક પુરા થઈ ગયા. આ વચ્ચે અફવા ફેલાઈ રહી છે કે કોરોના વાયરસથી બચવા કોન્ડમ ઉપયોગી છે. એટલાં માટે લોકોએ કોન્ડમ ખરીદવાના શરુ કરી દીધા છે. 

સોશિયલ  મીડિયામાં લોકો કોરના વાયરસથી બચવા માટે કોન્ડમના ઉપયોગો બતાવી રહ્યાં છે. લિફ્ટનાં બટનને દબાવવા અને બિલ્ડીંગનો દરવાજો ખોલવા માટે કોન્ડમનો ઉપયોગ થઈ રહ્યો છે. 

સિંગાપુરના મીડિયા રીપોર્ટસ અનુસાર કોરોના વાયરસને લઈને લોકોમાં ભય ફેલાયેલો છે. કોરોનાને લઈને એવો ભય ફેલાયેલો છે કે મેડીકલ અને દુકાનોમાં લોકોના ટોળાઓ ઉમટ્યા હતાં. લોકો માસ્ક મોટી સંખ્યામાં ખરીદીને ઘરે લઈ ગયા. 

સૈનિટાઈઝર, માસ્ક ઓછા પડતાં લોકોએ કોન્ડમ ખરીદવાના ચાલુ કરી દીધા. અને મેડીકલ સ્ટોરમાં દરેક વસ્તુઓની અછત પડી.