મહારાષ્ટ્ર / લૉકડાઉનની વચ્ચે ગ્રામીણોએ બનાવી સડક, નામ જાણીને નહીં આવે વિશ્વાસ!

• મહારાષ્ટ્રના અહમદનગરમાં વર્ષોથી બની ન હતી સડક
• લૉકડાઉન 4.0માં ગામલોકોએ મળીને બનાવી દીધી સડક
• કોરોના સંકટમાં બનેલી સડકનું નામ રાખ્યું કોરોના રોડ

દેશભરમાં લૉકડાઉન 4.0 લાગૂ છે ત્યારે દરેક કામ ધંધાને પણ તાળા વાગી ચૂક્યા હતા. આ સમયે મહારાષ્ટ્ર અહમદનગરમાં વર્ષોથી સડક બની શકી ન હતી તે કોરોના સંકટમાં બની. ગામલોકોએ મળીને આ સડક બનાવી. કોરોના સંકટમાં બનેલી સડકનું નામ કોરોના રોડ રાખ્યું અને તેના નામનું સાઈન બોર્ડ પણ લગાવી દીધું.

આખા દેશમાં આ નામની પહેલી સડક હશે

અહમદનગર જિલ્લાના મંડાવા ગામની આ સડકને લોકો ત્રાસદીના રૂપમાં યાદ રાખશે. કોરોનાના આ સંકટમાં લોકો મુશ્કેલીમાંથી પસાર થઈ રહ્યા હતા અને કોરોના શબ્દ તેમને હેરાન કરતો હતો. તેઓએ તેને હંમેશા પોતાની સાથે જોડી દીધો. કોરોના રોડ ફક્ત મહારાષ્ટ્ર જ નહીં પણ આખા દેશમાં આ નામની પહેલી સડક હશે. 

ગામલોકોના સહકારથી બની સડક

લૉકડાઉનના સમયમાં ગામલોકોએ મળીને આ સડક બનાવી હતી. ગામના એક વ્યક્તિ અશોક રટાતેએ રસ્તાનું નામ કોરોના રોડ રાખવાનું વિચાર્યું હતું. આ નામ ગામલોકોને પણ પસંદ આવ્યું અને આ નામથી સડક ઓળખાવવા લાગી.

મંડાવા ગામથી લક્ષ્મી વાડી સુધી જશે કોરોના રોડ

અહમદનગરના મંડાવા ગામથી લક્ષ્મીવાડી સુધી આ સડક ન હતી. સડક જલ્દી બને તે માટે ગામના લોકો પણ પ્રયાસ કરી રહ્યા હતા. જ્યારે લૉકડાઉનમાં લોકો ઘરે હતા ત્યારે વિચાર્યું કે સડક બનાવી દેવી જોઈએ. દરેકે પોતાની જમીનને પણ સડક માટે દાનમાં આપી અને સડક બની ગઈ.