કોરોના વાયરસ હવે જાણે મનોરંજન ઇન્ડસ્ટ્રી તરફ વળ્યો હોય તેમ લાગે છે. તારક મહેતા..ના સુંદર એટલે કે મયુર વાકાણીને કોરોના થયો છે અને તે હોસ્પિટલમાં દાખલ છે.
દયાબેનના ભાઇ સુંદર એટલે કે મયુર વાકાણી શૂટિંગ કરીને પરત અમદાવાદ ફરી રહ્યો હતો ત્યારે તેની તબિયત ખરાબ થઇ હતી અને તેણે ચેક કરાવ્યુ તો કોરોના રિપોર્ટ પોઝીટીવ આવ્યો હતો. મિડીયા રિપોર્ટ્સ અનુસાર મયુરને 2 દિવસથી તાવ આવતો હતો. રિપોર્ટ પોઝીટીવ આવ્યા બાદ મયુરને અમદાવાદની SVP હોસ્પિટલમાં દાખલ કરવામાં આવ્યો છે.
મહારાષ્ટ્ર સહિત દેશભરમાં કોરોના વાયરસની અસર વધી રહી છે. રોજ કોરોનાના હજારો પોઝીટીવ કેસ આવી રહ્યા છે. લોકડાઉનમાં લાંબા સમય સુધી શુટીંગ બંધ રહ્યુ હતુ. હાલમાં ટીવીથી લઇને ફિલ્મ જગતની શૂટિંગ જોરશોરથી ચાલી રહી છે. ફિલ્મોની જો વાત કરવામાં આવે તો સંજય લીલા ભણસાલીથી લઇને રણબીર કપૂર, મનોજ બાજપાઇ અને આશીષ વિદ્યાર્થી જેવા સેલેબ્સ પણ કોરોનાનો શિકાર બન્યા છે. હવે તારક મહેતા...નો સુંદર પણ કોરોનગ્રસ્ત બન્યો છે.
ભારત સરકાર કોરોનાને નાથવા માટે વેક્સિન લેવા પર જોર આપી રહી છે. સામાન્ય લોકો સાથે સેલેબ્સ પણ વેક્સિન લઇ રહ્યા છે. થોડા દિવસ પહેલા જ અનુપમ ખેરે વેક્સિન લીધી હતી. સાથે નીના ગુપ્તાએ પણ વેક્સિન લીધી હતી અને કોરોનાની ચેન તોડવામાં મદદ કરી હતી.
આશીષ વિદ્યાર્થીને કોરોના પોઝીટીવ
મનોજ બાજપાઇથી લઇને રણબીર કપૂર અને સંજય લીલા ભણસાલી જેવા સેલેબ્સ કોરોના પોઝીટીવ હતા ત્યારે આશીષ વિદ્યાર્થીએ સોશ્યલ મિડીયા પર આ વાતની જાણકારી આપી છે.
હોસ્પિટલમાં દાખલ
આશીષ વિદ્યાર્થી કોરોના પોઝીટીવ થયા બાદ દિલ્હીના સાકેત સ્થિત મેક્સ હોસ્પિટલમાં દાખલ થયા છે. તેણે ઇન્સ્ટાગ્રામ પર વીડિયા શૅર કરીને કહ્યું, નમસ્કાર બંધુ, કાલે થોડી વિકનેસ ફીલ થઇ અને મે જ્યારે કોરોના ટેસ્ટ કરાવ્યો ત્યારે મને પોઝીટીવ આવ્યો હતો. હું હવે દિલ્હીના હોસ્પિટલમાં એડમિટ થવા જઇ રહ્યો છું. છેલ્લા થોડા સમયમાં મારા સંપર્કમાં જો લોકો આવ્યા હોય તે તમામે પોતાનો કોવિડ ટેસ્ટ કરાવી લેવો જોઇએ. હું સ્વસ્થ છુ, અસલી દુનિયામાં તમારુ સ્વાગત છે. ધ્યાન રાખજો.
આશીષે વધુમાં કહ્યું કે મને ખ્યાલ નથી કે હું કઇ જગ્યાએથી સંક્રમિત થયો છુ. હું વારાણસીમાં શૂટિંગ કરી રહ્યો હતો, મુંબઇ અને દિલ્હીમાં પણ હુ સતર્ક રહ્યો પરંતુ તેમ છતાં મને કોરોના થયો છે. તમે પણ સાવધાન રહો.
આશીષ વિદ્યાર્થી હિન્દી સિવાય કન્નડ, મલયાલમ, તેલુગુ, બંગાળી, ઇંગ્લિશ, તમિલ, ઓડીયા સમેત મરાઠી ફિલ્મોમાં પણ કામ કરી ચૂક્યા છે. ફિલ્મ દ્રોહકાલ માટે તેમને સપોર્ટીંગ એક્ટરનો નેશનલ એવોર્ડ મળી ચૂક્યો છે.