પ. બંગાળમાં વધતા કોરોનાના સંક્રમણને ધ્યાનમાં રાખીને મમતા બેનર્જીએ તમામ ચૂંટણી કાર્યક્રમ રદ કર્યા છે.
પ. બંગાળમાં વધ્યો કોરોનાનો કહેર
મમતા બેનર્જીએ રદ્દ કર્યા તમામ ચૂંટણી કાર્યક્રમ
રાજ્યમાં તત્કાલ રીતે રોડ શો અને વાહન રેલી પર રોકઃ ચૂંટણી આયોગ
પ. બંગાળમાં ચૂંટણી પ્રચાર સામે કોરોના બચાવના નિયમનું ઉલ્લંઘનને ધ્યાનમાં રાખીને ચૂંટણી આયોગે ગુરુવારે રાજ્યમાં તત્કાલ રીતે રોડ શો અને વાહન રેલી પર રોક લગાવી છે. વધતા કોરોના સંક્રમણને લઈને ચૂંટણી આયોગે ગાઈડલાઈન્સમાં ફેરફાર કર્યા છે. રાજ્યમાં ઝડપથી વધી રહેલા સંક્રમણને જોતાં રાજ્યના મુખ્યમંત્રી મમતા બેનર્જીએ પણ પોતાના તમામ ચૂંટણી કાર્યક્રમને રદ્દ કર્યા છે. ચૂંટણીને લઈને મમતા બેનર્જીએ લોકો સાથે વર્ચ્યુઅલ સંવાદ સાધવાનું નક્કી કર્યું છે.
In the wake of upsurge in #COVID19 cases across the country and the ECI Order dated 22nd April, 2021, I am cancelling all my prescheduled meetings and we will reach out to the people virtually.
We will be sharing the updated schedule of the virtual meetings shortly.
મમતા બેનર્જીએ કર્યું ટ્વિટ
કોરોનાના વધતા કેસ અને ચૂંટણી આયોગે આપેલા આદેશના કારણે મેં મારી દરેક પૂર્વ નિર્ધારિત કાર્યક્રમ રદ્દ કર્યા છે. જનતા સુધી વર્ચ્યુઅલી પહોંચીશું. જલ્દી વર્ચ્યુઅલ મીટિંગ્સની તારીખો જાહેર કરાશે.
આયોગે પ. બંગાળમાં રોડ શો અને વાહન રેલી પર લગાવ્યો પ્રતિબંધ
પ. બંગાળમાં ચૂંટણી પ્રચાર સામે કોરોના બચાવના નિયમનું ઉલ્લંઘનને ધ્યાનમાં રાખીને ચૂંટણી આયોગે ગુરુવારે રાજ્યમાં તત્કાલ રીતે રોડ શો અને વાહન રેલી પર રોક લગાવી છે. આ સાથે એમ પણ કહ્યું છે કે કોઈ પણ જનસભામાં 500થી વધારે લોકોને મંજૂરી નહી મળે. આદેશમાં કહેવાયું છે કે આયોગે કહ્યું છે કે અનેક રાજકીય પક્ષો અને ઉમેદવારો હજુ પણ જનસભામાં નિયમોનું પાલન કરી રહ્યા નથી. આ આદેશ ગુરુવારે સાંજે 7 વાગ્યાથી લાગૂ કરાયો છે.
બંગાળમાં 11948 નવા કેસ અને 56 મોત
પ. બંગાળમાં ગુરુવારે કોરોના વાયરસના સંક્રમણના કારણે એક જ દિવસમાં સૌથી વધારે 11948 નવા કેસ આવ્યા છે. આ સાથે રાજ્યમાં કોરોના સંક્રમિત લોકોની સંખ્યા વધીને 7,00,904 થઈ છે. સ્વાસ્થ્ય વિભાગે બુલેટિનમાં આ જાણકારી આપી છે. રાજ્યમાં આ સમયે કોરોનાના 56 દર્દીના મોત થતા કુલ મોત 10,766 થયા છે.24 કલાકમાં બંગાળમાં 6590 દર્દીઓ સાજા થયા છે. તો 24 કલાકમાં 53,154 કેસનું ટેસ્ટિંગ કરાયું છે. રાજ્યમાં કુલ 1,00,03,490 ટેસ્ટ થઈ ચૂક્યા છે.