મહારાષ્ટ્રમાં હ્દય કંપાવી દેનારી ઘટના સામે આવી છે. અહીં કોન ગામમાં કોવિડ ક્વોરેન્ટાઈન સેન્ટરમાં ગુરુવારે રાતે એક મહિલા સાથે બળાત્કા થયો હતો. હેરાન કરનારી વાત તો એ છે કે પીડિયા અને આરોપી કોરોનાગ્રસ્ત છે.
મહારાષ્ટ્રમાં કોરોના સંક્રમિત દર્દી સાથે દુષ્કર્મ
40 વર્ષીય દર્દી સાથે ક્વોરેન્ટાઈન સેન્ટરમાં દુષ્કર્મ થયાનો દાવો
પોલીસે સમગ્ર મામલે તપાસ કરી યુવકને ઝડપ્યો
પનવેલ પોલીસના જણાવ્યાનુંસાર કોન ગામમાં ઈન્ડિયા બુલ્સની ખાલી બિલ્ડિંગોને પનવેલ અને નવી મુંબઈ મહાનગર પાલિકાનું કોવિડ ક્વોરેન્ટાઈન સેન્ટર બનાવ્યું છે. અહીં થોડાક સમય માટે કોરોનાગ્રસ્ત આરોપી અને પીડિતાને રાખવામાં આવ્યા હતા.
શરુઆતના સમયમાં પીડિતા અને આરોપી એકબીજાને જાણતા નહોંતા. પણ કોરોના ગ્રસ્ત હોવાને કારણે બન્નેને એક જ વોર્ડમાં રાખવામાં આવ્યા હતા હાલમાં પોલીસ મહિલાના આરોપોની તપાસ કરી રહી છે.
પોલીસ અધિકારી અશોક દુધેએ જણાવ્યું છે કે ઈન્ડિયા બુલ ક્વોરેન્ટાઈન સેન્ટરમાં એક મહિલાને કોરોના થતા દાખલ કરવામાં આવી હતી. આ સેન્ટરમાં આરોપીની સારવાર ચાલી રહી હતી. ઘટના સામે આવ્યા બાદ ફરિયાદ દાખલ કરવામાં આવી છે. આરોપી કોરોના પોઝિટિવ હોવાને કારણે તેની ધરપકડ કરવામાં આવી નથી. હાલમાં પોલીસ અન્ય પાસાઓ પર તપાસ કરી રહી છે.
આ ઘટના સામે આવ્યા બાદ લોકોમાં આક્રોશ જોવા મળ્યો છે. હાલમાં સેન્ટરના ડૉક્ટર અને દર્દીઓની પુછપરછ ચાલી રહી છે. જો કે કોરોનાને કારણે તેમને અનેક સમસ્યાનો સામનો કરવો પડી રહ્યો છે.