એકતરફ કોરોનાની મહામારી અને બીજી તરફ ચોમાસાને કારણે મચ્છરજન્ય અને પાણીજન્ય રોગચાળો માઝા મૂકી છે ત્યારે આ ઈમ્યુનિટી ડ્રીંક તમારી રોગપ્રતિકારક શક્તિમાં વધારો કરશે અને તેમને ફીટ અને હીટ બનાવશે. દૂધને સંપૂર્ણ આહાર માનવામાં આવે છે કારણ કે તેનાથી શરીરને તમામ જરૂરી તત્ત્વ મળી જાય છે પરંતુ જો તેમાં કેટલીક ઔષધિય વસ્તુઓ ઉમેરી દો તો તેનો ફાયદો અનેકગણો વધી જાય છે. રાતે જમ્યાની 30 મિનિટ પથી હુંફાળુ દૂધ તમને રોગો સામે લડવાની શક્તિ આપશે પણ તેમાં અહીં રજૂ કર્યાની રેસિપિ ઉમેરશો તો તે તમને અને તમારા પરિવારને રક્ષાકવચ પૂરુ પાડશે.
સામગ્રી
ગાયનું દૂધ - 1 ગ્લાસ
બાદામ - 10
ખજૂર - 3
હળદર - 3 ચપટી
તજ - 2 ચપટી
ઇલાયચી પાઉડર - 1 ચપટી
દેશી ઘી - 1 નાની ચમચી
મધ - 1 નાની ચમચી
રીત
સૌથી પહેલા 10 બદામ પાણીમાં પલાળીને આખી રાત માટે રહેવા દો.
સવારે બદામનું સમારી લો અને ખજૂરમાંથી બીજ કાઢી નાંખો.
બંનેને મીક્સરમાં ક્રશ કરી લો
એક ગ્લાસ દૂધને હુંફાળું ગરમ કરીને તેમાં બદામ-ખજૂર પેસ્ટ મિક્સ કરો.
તેમાં હળદર, તજ અને ઇલાયચી પાઉડર મિક્સ કરો.
1 ચમચી ઘી અને મધને સારી રીતે મિક્સ કરો. હવે સૂતાં પહેલાં તેનું સેવન કરો