બનાસકાંઠાના થરાદના વડગામમાં લોકડાયરાનું આયોજન કરવામાં આવ્યું હતુ. કોરોનાની મહામારીમાં આ રીતે ભીડ ભેગી કરવી કેવી વાત છે?
થરાદના વડગામડામાં કોરોનાકાળમાં લોકડાયરો
ડાયરામાં કોવિડ ગાઇડલાઇનના ધજાગરા
માસ્ક અને સોશિયલ ડિસ્ટન્સનો અભાવ
થરાદના વડગામડા ગામે કોરોનાકાળમાં લોકડાયરો યોજાયો હતો. સ્થાનિક આગેવાન ધનજી પટેલ દ્વારા લોકડાયરાનું આયોજન કરવામાં આવ્યું હતુ જેમાં હેકડેઠેઠ જનમેદની એકઠી થઈ હતી એટલું જ નહીં પણ કોરોનાકાળમાં ડાયરામાં કોવિડ ગાઇડલાઇનના ધજાગરા ઉડ્યા હતા.
વનીતા પટેલ, ઇશ્વરદાન ગઢવી જેવા કલાકારો લોકડાયરામાં જોડાયા હતા. લોકગાયકની સાથે કુલ 10 કલાકારોની ડાયરામાં હાજરી હતી વળી આમંત્રણ પત્રિકામાં મુખ્ય મહેમાન તરીકે થરાદ ASP પૂજા યાદવનું નામ લખવામાં આવ્યું હતું. ડાયરામાં માસ્ક અને સોશિયલ ડિસ્ટન્સનો અભાવ જોવા મળ્યો હતો.
કલમ 188 સાથે ગુનો નોંધાશે. અન્ય કલોમો પણ લાગુ, પરવાનગી ન આપ્યા છતાં ડાયરો યોજવામાં આવ્યો છે. ASP પૂજા યાદવે જણાવ્યું હતુ કે, મારી પરવાનગી લીધા વિનાજ ડાયરો યોજાયો છે. ડાયરા દરમિયાન પણ અમને ફોન આવતા હતા અમે જરૂરી પગલા જરૂર લઈશું.
સળગતા સવાલ
કોરોનાકાળમાં લોકડાયરો કેમ?
કોરોનાની ગંભીરતા કેમ નથી સમજતા?
લોકગાયકો જ નિયમો તોડે તો જનતાનો શું વાંક?
બનાસકાંઠા પોલીસની ડાયરાના આયોજકો સામે કાર્યવાહી ક્યારે?
લોકડાયરાનું આયોજન કરીને કોરોનાને આમંત્રણ કેમ આપો છો?