અમદાવાદમાં રોજબરોજ કોરોનાના કેસમાં વધારો થઈ રહ્યો છે. તેની સાથે વેક્સિનનું કામ પણ હવે વધારવામાં આવશે
વેક્સિનની કામગીરી કરાશે ઝડપી
અમદાવાદમાં 62 હોસ્પિટલને અપાઈ મંજૂરી
AMCએ હોસ્પિટલોની યાદી કરી જાહેર
અમદાવાદમાં વેક્સિનેશનની કામગીરીને વેગ અપાશે. કામગીરી ઝડપી બનાવવા શહેરની વધુ 62 હોસ્પિટલને વેક્સિનેશન કરવાની મંજૂરી આપવામાં આવશે. 45થી 60 વર્ષની ઉંમરના નાગરિકોને પણ વેક્સિન આપી શકાશે. 45થી 60 વર્ષના કોમોર્બિડ નાગરિકોનું વેક્સિનેશન કરી શકશે. અત્યાર સુધી 160 જેટલી હોસ્પિટલોને મંજૂરી હતી. AMCએ તમામ હોસ્પિટલોની યાદી પણ જાહેર કરી છે.
રાજ્યમાં કોરોનાના આંકાડા
ગુજરાત સરકાર દ્વારા જાહેર કરાયેલી વિગત અનુસાર, છેલ્લા 24 કલાકમાં 715 નવા દર્દી જ્યારે 495 દર્દીઓ સાજા થયાં છે. અમદાવાદ અને સુરતમાં 1-1 દર્દીઓનું સારવાર દરમિયાન મોત થયું છે. સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. સુરત શહેરમાં સૌથી વધુ કેસ નોંધાયા છે. જ્યારે અમદાવાદ શહેરમાં 141 નવા કેસ, જ્યારે અમદાવાદ ગ્રામ્યમાં 4 કેસ નોંધાયા છે. વડોદરા શહેરમાં 91 કેસ, જ્યારે ગ્રામ્યમાં 26 કેસ નોંધાયા. રાજકોટ શહેરમાં 58 કેસ અને ગ્રામ્યમાં 11 કેસ નોંધાયા છે.
અમદાવાદમાં કોરોના વેક્સિન માટે નવી 62 હોસ્પિટલની યાદી