બ્રિટનમાં હાહાકાર મચાવનાર કોરોનાનો નવો સ્ટ્રેન ધરાવતાે વાઇરસ હવે ગુજરાતમાં પણ જોવા મળ્યો છે. સુરતમાં કોરોનાના નવા સ્ટ્રેનનો પ્રથમ શંકાસ્પદ કેસ મળી આવતાં સરકારી તંત્રમાં ખળખભળાટ મચી ગયો છે.
સુરતમાં બ્રિટનની મહિલાને કોરોનાનો મામલો
મહિલાને કોરોનાને લઇ DDO હિતેશ કોયાએ આપી માહિતી
બ્રિટનની મહિલાનો RTPCR રિપોર્ટ પોઝિટિવ આવ્યો-DDO
યુવતી અને તેનાં માતા અને બહેનના ટેસ્ટ કોરોના પોઝિિટવ આવ્યા
બ્રિટનથી હજીરા તેનાં માતા-પિતાને મળવા આવેલી એક યુવતીમાં કોરોનાના નવા વાઇરસનાં લક્ષણ દેખાયાં છે. આ યુવતી ક્રિસમસ વેકેશનની રજા હોવાથી ૧૦ ડિસેમ્બરે દિલ્હીથી સુરત આવી હતી. ત્યાર બાદ તે ૨૦ ડિસેમ્બરે બ્રિટન પરત જવા માટે દિલ્હી એરપોર્ટ પહોંચી હતી, પરંતુ બ્રિટનની તમામ ફ્લાઇટ રદ થવાના કારણે આ યુવતી સુરત પરત આવી હતી, જેની માહિતી તંત્રને મળતાં યુવતી સાથે ઘરમાં રહેતાં તેનાં માતા-પિતા અને બહેનના કોરોના ટેસ્ટ કરાયા હતા, જેમાં યુવતી અને તેનાં માતા અને બહેનના ટેસ્ટ કોરોના પોઝિિટવ આવ્યા હતા.
સત્તાવાળાઓ હરકતમાં આવ્યા
તા. ૧૦ ડિસેમ્બરે યુવતી જ્યારે બ્રિટનથી દિલ્હી આવી હતી ત્યારે દિલ્હીથી સુરત આવતી વખતે સુરત એરપોર્ટ પર તેનો કોરોના રિપોર્ટ નેગેટિવ આવ્યો હતો, જ્યારે સુરતથી ફરી બ્રિટન જવા દિલ્હી ગઈ અનેે તેની બ્રિટનની ફ્લાઇટ રદ થવાથી તે ફરી સુરત આવી ત્યાર બાદ સત્તાવાળાઓ હરકતમાં આવ્યા હતા.
પિતાનો રિપોર્ટ નેગેટિવ આવ્યો
હાલ આ ત્રણેય દર્દીને નવી સિવિલના દસમા માળે આવેલા આઇસોલેશન વોર્ડમાં દાખલ કરાયા છે અને તેમનાં સેમ્પલ પુણેની લેબમાં તપાસ માટે મોકલાયાં છે. આ યુવતી પરિણીત હોઈ તેના પિતાનો રિપોર્ટ નેગેટિવ આવ્યો છે, જોકે તેના પિતાને પણ ઓબ્ઝર્વેશનમાં રખાયા છે.