ચિંતા / ગુજરાતમાં રસીકરણના સારા સમચાર વચ્ચે આવ્યા માઠા સમાચાર: નવા સ્ટ્રેનના કેસો ભયજનક

• લંડનથી આવેલા વધુ 400 લોકોને RT-PCR ટેસ્ટ કરાયો
• 8 લોકોનો કોરોના રિપોર્ટ પોઝિટિવ આવ્યો 
• આઠેય લોકોના સેમ્પલ કોરોના સ્ટ્રેનના ટેસ્ટિંગ માટે મોકલાયા

કોરોનાના નવા સ્ટ્રેનને લઇ લંડનથી આવેલા વધુ 400 લોકોને RT-PCR ટેસ્ટ કરાયો છે. જેમાં 8 લોકોનો કોરોના રિપોર્ટ પોઝિટિવ આવ્યો છે. જેમના રિપોર્ટને સ્ટ્રેનના ટેસ્ટિંગ માટે મોકલવામાં આવ્યા છે. અગાઉ 4 લોકોને કોરોના સ્ટ્રેનનો પોઝિટિવ રિપોર્ટ આવ્યો હતો. અને હજુ 15 જેટલા લોકોનો કોરોના સ્ટ્રેનનો રિપોર્ટ પેન્ડિંગ છે. ત્યારે રાજકોટના 4 યુવકોનો કોરોના સ્ટ્રેન રિપોર્ટ આજે આવે તેવી શક્યતા છે. કોરોના સ્ટ્રેનવાળા તમામ દર્દીઓની તબિયત સ્થિર છે.

4 લોકોમાં જોવા મળ્યો હતો નવો સ્ટ્રેન

અમદાવાદમાં કોરોનાના નવા સ્ટ્રેનની એન્ટ્રી જોવા મળી રહી છે. અમદાવાદમાં કોરોનાના નવા સ્ટ્રેનના 4 કેસ સામે આવ્યા હતા. તમામ 4 દર્દી બ્રિટનથી પરત આવ્યા હતા. પૂણેની લેબમાં દર્દીના સેમ્પલ મોકલાયા હતા. હજુ પણ 6 દર્દીઓના રિપોર્ટ આવવાના બાકી છે.  ચારેય દર્દીઓને SVP હોસ્પિટલમાં દાખલ કરાયા છે.

રાજકોટમાં પણ નવો સ્ટ્રેન એક્ટિવ

અમદાવાદ બાદ રાજકોટમાં પણ કોરોનાના નવા સ્ટ્રેનનો એક કેસ સામે આવ્યો છે. બ્રિટનથી રાજકોટ પરત ફરેલા યુવકમાં કોરોનાનો નવો સ્ટ્રેન મળ્યો છે. રાજકોટના યુવક અને પરિવારના સભ્યોનો કોરોના રિપોર્ટ પોઝિટિવઆવતા રાજકોટનું આરોગ્ય તંત્ર હરકતમાં આવી ગયું છે. 

કોરોનાના નવા પ્રકારનો કહેર  

• બ્રિટન બાદ દક્ષિણ આફ્રિકા અને નાઈજીરિયામાં સામે આવ્યો કોરોનાનો નવો પ્રકાર
• ભારતે બ્રિટનથી આવેલા મુસાફરો માટે RT-PCR ટેસ્ટ ફરજિયાત કર્યો
• કોરોનાના નવા પ્રકારને રોકવાને લઇ તમામ તૈયારીઓ
• બ્રિટનમાં જે વેરિએન્ટ મળ્યા છે તેને VUI 202012/01 નામ આપવામાં આવે છે
• નવા સ્ટ્રેનની ટ્રાન્સમિશનની ક્ષમતા જૂના વાઈરસની તુલનામાં 70 ટકા વધારે
• વધારે ઉંડાણપૂર્વકના સંશોધનથી જાણવા મળ્યુ કે 14 જેટલા પરિવર્તન આવ્યા છે
•  જૂના વાઈરસની તુલનામાં જીનેટીક મટેરીયલમાં 3 વસ્તુ ઓછી છે અથવા તે હટી ચુક્યા છે 
• કોરોનાના નવા પ્રકારમાં ટેસ્ટિંગ અને વેક્સિનનેશનની અસરને લઇ સંશોધન
• કોરોનાના નવા પ્રકારમાં પણ વેક્સિન અસરકારક રહે તેવો દાવો
• ફાઇઝર અને મોડર્ના સહિતની કંપનીઓએ દાવો કર્યો
• ''વેક્સિન નવા પ્રકાર પર પણ અસરકારક રહેશે''
• એક મ્યુટેશન N501Yને લઈ વૈજ્ઞાનિકો મુશ્કેલીમાં છે
• ટેસ્ટિંગ અને વેક્સિનેશન રિઝલ્ટ્સને અસર કરવાની ક્ષમતાનું મૂલ્યાંકન કરાઇ રહ્યું છે