સારાં સમાચાર / નવી શરતો સાથે શરૂ થશે સીરિયલ્સનું શૂટિંગ, જો કોરોનાથી વર્કરનું મોત થશે તો આટલા લાખ રૂપિયા વળતર મળશે

• ટેલિવિઝનના દર્શકો માટે સારાં સમાચાર
• હવે ટૂંક સમયમાં સીરિયલ્સનું શૂટિંગ શરૂ થઈ શકે છે
• પણ તે માટે FWICEની ગાઈડલાઈનનું કરવું પડશે પાલન

ફેડરેશન ઓફ વેસ્ટર્ન ઈન્ડિયા સિને એમ્લોયી (FWICE)ના પ્રેસિડેન્ટ બીએન તિવારીએ એક ઈન્ટરવ્યૂમાં જણાવ્યું કે, તેમણે દૈનિક કર્મચારીઓને ધ્યાનમાં રાખીને પ્રોડ્યૂસર્સ સામ કેટલીક શરતો મૂકી છે.  

આ છે શરતો

• કોરોના વાયરસ લાંબા સમય સુધી રહેવાના કારણે તેની સાથે જીવવાની તૈયારી કરવી જરૂરી છે. કામ તો શરૂ કરવું જ પડશે, કારણ કે તેના વિના ક્યાં સુધી ચાલશે. જેથી અમે બધાંને ટ્રેનિંગ આપવાનું શરૂ કરી દીધું છે. માસ્ક કઈ રીતે પહેરવા, સેનિટાઈઝર સાથે રાખવું, સેટ પર એક ઈન્સપેક્ટર જે ઈન્સ્પેક્શન કરશે કે કોણે માસ્ક નથી પહેર્યું. જ્યાં સુધી વર્કર્સને તેની આદત નહીં પડી જાય ત્યાં સુધી ત્યાં ઈન્સ્પેક્ટર રાખવામાં આવશે. 
• જો કોરોના વાયરસથી કોઈ વર્કરનું મોત થશે તો ચેનલ અને પ્રોડ્યૂસર્સ તે વર્કરના પરિવારને 50 લાખ રૂપિયા વળતર અને તેનો મેડિકલ ખર્ચ પણ ઉપાડશે. એક્સીડેન્ટલ ડેથ પર 40-42 લખ પ્રોડ્યૂસર્સ આપે જ છે પણ કોવિડ માટે 50 લાખ કંપનસેશન રાખ્યું છે. 
• શૂટિંગ દરમિયાન સેટ પર 100 અથવા તેનાથી વધુ લોકો હોય છે. પરિસ્થિતને જોતા હવે 50 ટકા યૂનિટ સાથે સેટ પર કામ કરવું પડશે. 50 ટકા યૂનિટ શિફ્ટ્સમાં કામ કરે એ વાતનું ધ્યાન પ્રોડ્યૂસર્સને રાખવું પડશે. હાલ 3 મહિના માટે 50 વર્ષની ઉપરની ઉંમરના લોકોને ઘરે રહેવાનું કહેવામાં આવ્યું છે, કારણ કે આ લોકોને કોવિડનો ખતરો વધુ છે. બસ 3 મહિનાની વાત છે એ પછી બધું ઠીક થવા લાગશે. 
• જોબ લોક ન થાય તે અંગે વિચાર કરવાનો છે. એક એમ્બ્યુલન્સ સેટ પર રાખવી જરૂરી છે જેથી ઈમરજન્સી માટે કામ લાગી શકે. આ 3 મહિના ટ્રેનિંગ પીરિયડ હશે.
• ટૂંક સમયમાં શૂટિંગ શરૂ કરવાને લઈને નવી ગાઈડલાઈન્સને લઈને પ્રોડ્યૂસર બોડી, ચેનલ અને બધાંની સાથે વર્ચ્યુઅલ મીટિંગ થશે.