ભારે કરી / ડોક્ટર્સની મોટી ચેતવણી: કોરોનાની માફક ડેન્ગ્યુ મુક્ત થયેલા લોકોમાં જોવા મળી આ બિમારી, મચ્યો હડકંપ

• ડોક્ટર્સની મોટી ચેતવણી
• કોરોના બાદ ડેન્ગ્યૂ પછી પણ ફંગસ 
• દિલ્હીમાં પ્રથમ વખત ડેન્ગ્યૂ બાદ ફંગસ

કોરોના જેમ હવે ડેન્ગ્યૂ વાયરસના કારણે પણ જીવલેણ ફંગસની બિમારી સામે આવી રહી છે, દેશમાં પ્રથમવાર દિલ્હીની હોસ્પિટલમાં એવો એક કેસ સામે આવ્યો છે જેમાં ડેન્ગ્યૂની સારવાર લીધાના 15 દિવસ બાદ દર્દીના એક આંખની રોશની ચાલી ગઈ છે, જેમાં દર્દીને ડાયબિટીસની પણ કોઈ બિમારી ન હોવા છતા દર્દીએ આંખની રોશની ગુમાવી દીધી છે. 

કોરોના બાદ ડેન્ગ્યૂ પછી પણ ફંગસ 

ડોક્ટરોના જણાવ્યા પ્રમાણે દિલ્હીના ગ્રેટર નોયડામાં રહેતી 49 વર્ષીના મોહમ્દદ તાલિબ થોડા સયમ  પહેલા ડેન્ગ્યૂની સારવાર માટે હોસ્પિટલમાં દાખલ થયા હતા. જેમાં લાંબી સારવાર બાદ તેઓ સાજા પણ થઈ ગયા હતા પરતું ફંગસ એટલે કે મ્યુકરમાઈસિસનું સંક્રમય થતા દર્દીને આંખથી દેખાવાનું બંધ થઈ ગયું હતું, જે બાદ તેઓને દિલ્હીની એપોલો હોસ્પિટલમાં સારવાર અર્થે દાખલ કરવામાં આવ્યા હતા. વરિષ્ટ ડોક્ટર સુરેશ નરુકાના જણાવ્યા પ્રમાણે આ બ્લેક ફંગસનો અગલ કિસ્સો છે, આ પ્રકારના કેસ મોટા ભાગે ડાયાબિટીસના દર્દીઓમાં જોવા મળતા હોય છે જેઓનામાં ઈમ્યુનિટી શક્તિઓ ઓછી હોય છે, જો કે બ્લેક ફંગસમાં પણ એક ઘાતક ફંગસ મ્યુકરમાઈકોસિસથી જોડાયેલો છે, આ ફંગસ નાક, સાઈનસ, આંખો અને દિમાગના ટિશ્યૂને પણ અસર કરે છે. આની સારવાર માટે થોડી ઘણી પણ બેદરકારી ગંભીર સાબિત થઈ શકે છે. 

દિલ્હીમાં પ્રથમ વખત ડેન્ગ્યૂ બાદ ફંગસ

ડોક્ટર અતુલ આહુજાના કહ્યા મુજબ ડેન્ગ્યૂમાં સાજા થયા બાદ રાઈનોઓર્બિટલ મ્યુકરમાયકોસિસનું નિદાન કરવામાં આવ્યું, હોસ્પિટલમાં સારવાર માટે આવ્યા પહેલા દર્દીના નાકમાંથી લોહી વહી રહ્યું હતું, આ પ્રકાનો ડેન્ગ્યૂ સારવાર લીધાના 15 દિવસ બાદ થયો, ડેન્ગ્યૂમાં દર્દીના પ્લેટલેટ્સ ઓછા થઈ ગયા હતા, જો કે દર્દીને પ્લેટલેટ્સ ચઢાવવાની જરૂર નથી પડી, ડોક્ટરોના જણાવ્યું કે ડેન્ગ્યૂના કારણે દર્દીની ઈમ્યુનિટી ઓછી થઈ ગઈ હતી જેના કારણે તેને મ્યુકરમાઈકોસિસ થઈ ગયો હતો જેના કારણે  દર્દીએ પોતાની આંખ ગુમાવી દીધી છે જે હવે પાછી આવી નથી શકતી.  હાલ દર્દીની હાલત સ્થિર છે, થોડા દિવસ બાદ દર્દીને હોસ્પિટલમાંથી ડિસ્ચાર્જ પણ કરવામાં આવશે.