અમદાવાદમાં નિકોલ વિસ્તારમાં કોરોના ગાઈડલાઈન અને સોશિયલ ડિસ્ટન્સિંગના ધજાગરા ઉડતા જોવા મળ્યા
કોવિડ મહામારી વચ્ચે બર્થડે સેલિબ્રેશન બાદ ગરબા
નિકોલ વિસ્તારમાં થયેલી ઉજવણીનો વીડિયો વાયરલ
વેદાંત સ્કૂલ પાસે ના એક ફ્લેટમાં લોકો ગરબા રમ્યા
હજુ કોરોના મહામારીનો અંત આવ્યો નથી શહેરમાં હજુ પણ કોરાના કેસ સામે આવી રહ્યા છે ત્યારે અમદાવાદમાં નિકોલ વિસ્તારમાં કોરોના ગાઈડલાઈન અને સોશિયલ ડિસ્ટન્સિંગના ધજાગરા ઉડતા જોવા મળ્યા.
કોવિડ મહામારી વચ્ચે બર્થડે સેલિબ્રેશન બાદ ગરબા
કોરોના કાળમાં લોકોની નિયમો નેવે મૂકીને જન્મ દિવસની મોજ કરતા હોય તેવો એક વીડિયો વાયરલ થયો છે. વીડિયોમાં જોઈ શકાય છે કે કોરોના મહામારી ચાલી રહી હોવા છતા લોકો બર્થડેનું સેલિબ્રેશન કરી રહ્યા છે અને એટલું જ નહીં લોકો ગરબાના તાલે ઝુમતા પણ નજરે પડી રહ્યા છે. નિકોલ વિસ્તારમાં વેદાંત સ્કૂલ પાસે આવેલા ફ્લેટના લોકો જન્મ દિવસની ઉજવણી બાદ ગરબે ઝુમતા હોય તેવો વીડિયો હાલ સોશિયલ મીડિયામાં વાયરલ થયો છે. અગાઉ પણ નિકોલ વિસ્તારમાં તલવાર વડે કેક કાપી હોય તેવો વીડિયો વાયરલ થયો હતો. શહેરમાં કોરોના સંક્રમણ કેસ ઘટી રહ્યું છે પરતું હજુ કોરોનાની ત્રીજી લહેરની શક્યતાઓ વર્તાઈ રહી છે, કોરોનાના અલગ અલગ વેરિયન્ટે ચિંતા વધારી છે તો કોરોનાના કપ્પા વેરિયન્ટના ગુજરાતમાં 6 કેસ સામે આવી ચુક્યા છે.