નવસારીમાં 12 વર્ષની બાળકીનો રિપોર્ટ પોઝિટીવ આવતા અહીયા તંત્ર દોડતું થઈ ગયું છે. બાળકીને હાલ સારવાર અર્થે હોસ્પિટલ ખસેડવામાં આવી છે. જોકે અગાઉ પણ અહીયા 2 વિદ્યાર્થીઓનો કોરોના રિપોર્ટ પોઝિટીવ આવ્યો હતો
નવસારીમાં બાળકોમાં કોરોના સંક્રમણ ફેલાયું
12 વર્ષની બાળકી પોઝિટિવ આવતા હોસ્પિટલમાં સારવાર હેઠળ
અગાઉ પણ બે વિદ્યાર્થીઓનો કોરોનાની ઝપેટમાં આવ્યા હતા
ગુજરાતમાં હવે કોરોનાના કેસ ઘટી રહ્યા છે. જેના કારણે લોકોએ રાહતનો શ્વાસ લીઘો છે. પરંતું આવા સમયે નવસારીથી એક ચિંતાજનક સમાચાર સામે આવી રહ્યા છે. ચિંતાજનક એટલા માટે કારણકે અહીયા બાળકોમાં કોરોનાના લક્ષણો જોવા મળી રહ્યા છે. જેના કારણે માતા પિતા તેમના બાળકોને લઈને હવે ચિંતામાં મુકાઈ ગયા છે.
12 વર્ષની બાળકી પોઝિટીવ
અગાઉ પણ નવસારીમાં બાળકમાં કોરોનાની અસરો જોવા મળી હતી. ત્યારે વધુમાં ફરી અહીયા 12 વર્ષની કિશોરીનો રિપોર્ટ પોઝિટીવ આવ્યો છે. જેના કારણે તેના માતા પિતા ચિંતામાં મુકાઈ ગયા છે. બાળકીને હાલ સારવાર અર્થે હોસ્પિટલમાં ખસેડવામાં આવી છે.
અગાઉ 2 વિદ્યાર્થીઓ પોઝિટિવ થયા હતા
આપને જણાવી દઈએ કે નવાસરી જિલ્લામાં અગાઉ પણ કોરોનાના કેસ નોંધાયા હતા. જેમા 2 વિદ્યાર્થીઓમાં અગાઉ કોરોના પોઝિટીવ થયા હતા ત્યારે વધુમાં ફરી એક બાળકી કોરોનાની ઝપેટમાં આવી દતા અહીયા તંત્ર પણ દોડતું થઈ ગયું છે. કારણકે આજે વધું એક પોઝિટીવ કેસ સામે આવ્યા બાદ આજે નવસારીમાં કોરોનાનો આંકડો 9 પર પહોચી ગયો છે.
સુરતમાં એકજ એપાર્ટમેન્ટમાં 9 જણા પોઝિટીવ
બીજી તરફ સુરતના અઠવા વિસ્તારમાં આવેલ મેઘ મયુર એપોર્ટમેન્ટમાં એક સાથે 9 કેસ પોઝિટિવ આવતા તંત્ર દોડતું થયું છે. તેમજ પાલિકા દ્વારા તમામ લોકોનું ટેસ્ટિંગ શરૂ કરી દેવામાં આવ્યું છે સાથે એપાર્ટમેન્ટને સીલ કરી, લોકોની અવરજવર પર પણ રોક લગાવી દેવામાં આવી છે. તેમજ આખા એપાર્ટમેન્ટને કોરન્ટાઈ કરી બે હોમગાર્ડ પર મુકી દેવામાં આવ્યા છે.
ત્રીજી લહેરને લઈને લોકોમાં ભયનો માહોલ
ઉલ્લેખનીય છે કે ગુજરાતનાં કોરોનાની બીજી લહેર તો હાલ શાંત પડી ગઈ છે. પરંતુ હવે લોકોમાં ત્રીજી લહેરને લઈને ભયનો માહોલ ફેલાયેલો છે. ત્યારે આવા સમયે નવસારી અને સુરતમાં ફરી કોરોનાએ માથું ઉચક્યું છે જેના કારણે શહેરીજનો પણ ચિંતામાં મુકાઈ ગયા છે.