વાયરસ / ગુજરાતમાં કોરોનાની નોન-સ્ટોપ રફતાર, આ શહેરોમાં વધી રહ્યું છે ટેન્શન, બનાસકાંઠામાં આજે એકપણ કેસ નહીં

• ગુજરાતમાં કોરોનાની વધી રહી છે રફ્તાર
• અમદાવાદમાં 443 કેસ, ગ્રામ્યમાં 8 કેસ નોંધાયા
• સુરતમાં 405 કેસ, ગ્રામ્યમાં 105 કેસ

ગુજરાતમાં કોરોના વાયરસના કારણે સતત ચિંતામાં વધારો થઈ રહ્યો છે ત્યારે આજે ફરી 1500થી વધારે કેસ સામે આવ્યા છે. રાજ્યના સુરત અને અમદાવાદમાં સૌથી વધુ કેસ સામે આવી રહ્યા છે. 

સુરત અને અમદાવાદમાં કોરોનાનો હાહાકાર

સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. સુરત શહેરમાં 405 કેસ અને ગ્રામ્યમાં 105 નવા કેસ નોંધાયા છે. જ્યારે અમદાવાદ શહેરમાં 443 નવા કેસ, જ્યારે અમદાવાદ ગ્રામ્યમાં 8 કેસ નોંધાયા છે. વડોદરા શહેરમાં 112 કેસ, જ્યારે ગ્રામ્યમાં 20 કેસ નોંધાયા. રાજકોટ શહેરમાં 109 કેસ અને ગ્રામ્યમાં 21 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...

ભારતમાં દરરોજ નવો રેકૉર્ડ બનાવી રહ્યો છે કોરોના

કોરોનાના કેસમાં ફરી વધારો થઇ રહ્યો છે. રવિવારની વાત કરીએ તો છેલ્લા 24 કલાકમાં કોરોનાના 43,846 કેસ સામે આવ્યા છે. આ વર્ષના સૌથી મોટા દૈનિક આંકડા છે. આની સાથે જ દેશમાં એક્ટિવ કેસ 3 લાખને પાર પહોંચી ચૂક્યા છે. છેલ્લા 10 દિવસમાં 197 મોતની સાથે મૃતકોની સંખ્યા વધીને 1,59,755 પર પહોંચી ગઇ છે. છેલ્લા 24 કલાકમાં 22,956 લોકો સાજા થવાની સાથે દેશનો રિકવરી રેટ 96.12 ટકા નોંધાયો છે. અત્યાર સુધીમાં કુલ 11,130,288 લોકો દેશભરમાં સાજા થયા છે. ત્યારે, ભારતમાં કોરોના વાયરસના વધતા ખતરાને જોતા કેન્દ્ર સરકારે કોરોના વેક્સિનના 12 કરોડ ડોઝનો ઓર્ડર આપી દીધો છે.