પાકિસ્તાનમાં કોરોનાની ચોથી લહેર શરુ થઈ છે. દેશમા છેલ્લા ત્રણ અઠવાડિયામાં કોરોનાના કેસોની સંખ્યા ત્રણ ગણી વધી ગઈ છે.
પાકિસ્તાનમાં કોરોનાની ચોથી લહેર શરુ થઈ
છેલ્લા ત્રણ અઠવાડિયામાં કેસોની સંખ્યા ત્રણ ગણી વધી
કારોબાર અને પ્રવાસન સ્થળોને ખોલવામાં આવતા કેસો વધ્યા
સ્વાસ્થ્ય વિશેષજ્ઞો કારોબાર અને પ્રવાસન સ્થળોને ફરી વાર ખોલવામાં આવતા ભીડ વધી જતા કોરોનાની ચોથી લહેર શરુ થઈ હોવાનું માની રહ્યાં છે. તેમણે ઈમરાન ખાન સરકારને લોકડાઉન લગાડવાની અપીલ કરી છે. જેથી કરીને બકરી ઈદ સ્વાસ્થ્ય સંબંધી પ્રતિબંધોની સાથે ઉજવી શકાય.
છેલ્લા 24 કલાકમાં કોરોના સંક્રમણના 1980 કેસો સામે આવ્યાં
રવિવારે જારી થયેલા સત્તાવાર આંકડા અનુસાર, દેશમાં છેલ્લા 24 કલાકમાં કોરોના સંક્રમણના 1980 કેસો સામે આવ્યાં છે અને સંક્રમણ દર 4.09 ટકા રહ્યો છે. 21 જુનના દિવસે સંક્રમણના ફક્ત 663 કેસો આવ્યાં હતા.
રાષ્ટ્રીય સ્વાસ્થ્ય સેવા મંત્રાલયે જણાવ્યું કે પહેલી વાર 30 મે બાદ સંક્રમણ દર 4 ટકા કરતા વધારે થયો છે. 30 મે ના રોજ સંક્રમણ દર 4.05 ટકા હતો.
USની ટોપ મેડિકલ ઇન્સ્ટીટ્યૂટ CDCએ ડેલ્ટા વેરિઅન્ટને લઇને કહ્યું કે કોરોના વાયરસના પ્રમુખ અને ખતરનાક વેરિઅન્ટ ડેલ્ટા છે. તે દુનિયાના લોકોને સંક્રમિત કરી રહ્યો છે. છેલ્લા 2 અઠવાડિયામાં આવેલા કોરોના કેસમાં અડધાથી વધારે ડેલ્ટા વેરિઅન્ટના છે. અમેરિકામાં અનેક લોકો વેક્સિન લગાવી શક્યા નથી.જેના કારણે અમેરિકી સરકાર ચિંતામાં છે.
ડેલ્ટા વેરિયન્ટ ગયા ઓક્ટોબરમાં ભારતમાં આવ્યો
ગયા વર્ષે ઓક્ટોબરમાં ભારતમાં ડેલ્ટા વેરિયન્ટ આવ્યો અને તેને બી.1.617.2ના નામે પણ ઓળખવામાં આવી રહ્યો છે. આ સમયે અમેરિકામાં જેટલા પણ કોરોના કેસ છે તેમાંથી 51.7 ટકા ડેલ્ટા વેરિઅન્ટના છે, આ ડેટા 20 જૂનથી 3 જુલાઈ સુધીનો છે. તો અલ્ફા વેરિઅ્ટ કે બી.1.1.7 પહેલી વાર યૂકેમાં નોંધાયો છે. આ પણ અમેરિકામાં 28.7 ટકા કોરોના કેસની સાથે બીજા સ્થાને છે.
શું કહે છે CDC
CDCનું કહેવું છે કે ડેલ્ટા વેરિયન્ટ અમેરિકા અને વિશ્વમાં ઝડપી ફેલાઇ રહ્યો છે. છેલ્લા બે સપ્તાહમાં અમેરિકામાં કોરોના કેસોમાં 50 ટકાથી વધુ કેસ આવ્યા છે. અમેરિકામાં મે મહિનામાં ડેલ્ટાના 10 ટકા કેસ હતા જે 6 જૂનથી 19 જૂન વચ્ચે ડેલ્ટાના કેસ વધી 30 ટકા થઇ ગયા છે. અમેરિકાના આયોવા, કન્સાસ, મિસૌરીમાં ડેલ્ટાના 80.7 ટકા કેસ જોવા મળ્યા છે તો સાથે જ નેબ્રાસ્કા, કોલોરાડો, મોંટાના, નોર્થ ડકોટા, સાઉથ ડકોટામાં 74.3 ટકા કેસ પણ સામે આવ્યા છે.