મહેસાણામાં કોરોના ગાઈડલાઈનના ધજાગરા ઉડ્યા છે. વિસનગરના વાલમ ગામે મોટી સંખ્યામાં લોકોની ભીડ જામી છે. કાજલ મહેરિયાની હાજરીમાં સોશિયલ ડિસ્ટંસિંગના ધજાગરા ઉડ્યા હતા. કાજલ મહેરિયાએ સોશિયલ એકાઉન્ટ પર વીડિયો લાઈવ કર્યો હતો. લગ્નના વરઘોડામાં મોટી સંખ્યામાં લોકો એકઠા થયા હતા.
કિંજલ દવે બાદ હવે ગાયક કલાકાર કાજલ મહેરિયાએ ખુલ્લેઆમ મહેસાણામાં લગ્નપ્રસંગમાં વરઘોડો કાઢીને કોરોનાની ગાઈડલાઈનનો ભંગ કર્યો છે.
ગાઈડલાઈન મુજબ 100 લોકો સાથે જ લગ્નપ્રસંગની મંજૂરી
ગુજરાતમાં ગાઈડલાઈન મુજબ 100 લોકો સાથે જ લગ્નપ્રસંગની મંજૂરી છે પરંતું અહીં અંદાજે 200 થી વધારે લોકો લગ્નમાં નાચતા નજરે પડ્યા હતા અને વરઘોડામાં કાજલ મહેરિયાના સુર સાથે લોકો ઝૂમી રહ્યા હતા. એટલું જ નહીં પણ લગ્ન પ્રસંગમાં મોટાભાગના લોકો માસ્ક વગર નજરે પડ્યા હતા. કોરોનાની મહામારી દરમિયાન લાલબત્તી સમાન ઘટના બની છે. કોરોના ગાઈડલાઈનનું પાલન કરાવવા જિલ્લા વહીવટી તંત્ર સદતર નિષ્ફળ નિવડ્યુ છે.
લગ્નપ્રસંગમાં કેમ કોરોનાગાઇડલાઇનનું પાલન કેમ નહીં?
ગ્રામ્ય વિસ્તારોમાં લગ્ન પ્રસંગમાં નિયમોનો ખુલ્લેઆમ ભંગ કેમ?
લગ્નમાં 200થી વધુ લોકોને આમંત્રણ આપનારા સામે કાર્યવાહી શું?
શું કોઇ વગદાર વ્યક્તિને ત્યાં પ્રસંગ હતો?
લગ્નપ્રસંગમાં માસ્ક પહેરવાનું કેમ ભૂલે છે?
50-50 લોકોની જ મંજૂરી હોવા છતાં 200થી વધુ લોકો કેમ?