કોરોના કાળમાં ગુજરાતીઓની હાલત કફોડી થઈ છે. આ ગાળામાં PFના સૌથી વધુ નાણાં ઉપાડવામાં ગુજરાત 7માં ક્રમે છે. 5 મહિનામાં ગુજરાતીઓએ PFમાંથી 2115 કરોડ ઉપાડ્યા છે.
કોરોના કાળમાં ગુજરાતીઓની હાલત કફોડી
PFના સૌથી વધુ નાણાં ઉપાડવામાં ગુજરાત 7માં ક્રમે
5 મહિનામાં ગુજરાતીઓએ PFમાંથી 2115 કરોડ ઉપાડ્યા
કોરોનાએ આર્થિક વિકાસની કમર ભાંગી નાંખી છે. નોકરી ધંધા ઠપ્પ થઈ ગયા છે. લોકો કોસ્ટ કટીંગને નામે કપાતે પગારે કામ કરી રહ્યા છે ત્યારે હવે જાયે તો જાયે ક્યાં ? જેવી સ્થિતિ સર્જાઈ છે. કોરોના કાળમાં ગુજરાતીઓની હાલત કફોડી થઈ છે. આ ગાળામાં PFના સૌથી વધુ નાણાં ઉપાડવામાં ગુજરાત 7માં ક્રમે છે. 5 મહિનામાં ગુજરાતીઓએ PFમાંથી 2115 કરોડ ઉપાડ્યા છે.
આર્થિક સ્થિતિ કથળતા બચતના નાણાં ઉપાડવા પડ્યા હોવાની વાત ચર્ચાઈ રહી છે. અંદાજે 8.25 લાખ લોકોએ નાણાં ઉપાડ્યા છે. PF ઉપાડવાનું મુખ્ય કારણ મંદી, નોકરી ગુમાવવી, પગારમાં કાપ છે. લોકસભામાં શ્રમ અને રોજગાર મંત્રાલયે આ આંકડા આપ્યા હતા.
ગુજરાતમાં કોરોનાની સ્થિતિ
રાજ્ય સરકારે આજે જાહેર કરેલા આંકડા અનુસાર છેલ્લા 24 કલાકમાં 1334 નવા કેસ સાથે કુલ આંક 1,14,996 પર પહોંચ્યો છે. તો આજે 1,255 દર્દીઓ સાજા થતા રાજ્યમાં કુલ 95,265 દર્દીઓ સાજા થયા છે. આજે સંક્રમણથી 17 દર્દીઓના મોત થતાની સાથે મૃત્યુઆંક 3230 પર પહોંચ્યો છે. રાજ્યમાં આજે 71,507 ટેસ્ટ કરવામાં આવ્યા છે. રાજ્યમાં અત્યાર સુધીમાં 33,60,318 કોરોના ટેસ્ટ કરવામાં આવ્યા છે. ગુજરાતમાં હાલ એક્ટિવ કેસ માત્ર 16501 છે.
સુરતમાં 261 દર્દી સાજા થયા
રાહતની વાત એ છે કે, રાજ્યમાં રિકવરી રેટ 82.84% પર પહોંચ્યો છે. ત્યારે આજે 1,255 દર્દીઓ સાજા થયા છે. જેમાં અમદાવાદમાં 175, સુરતમાં 261 જામનગરમાં 129, વડોદરામાં 106 અને રાજકોટમાં 78 દર્દીઓ સ્વસ્થ થયા છે.
આજે વલસાડમાં 2 કેસ જ્યારે ડાંગમાં એક કેસ
આજે મહાનગરો સુરતમાં 278, અમદાવાદમાં 175 કેસ, વડોદરામાં 131, રાજકોટમાં 154 કેસ બાદ જામનગરમાં 120 કેસ કેસ નોંધાયા છે. આજે સમગ્ર રાજ્યમાં સૌથી ઓછા કેસ વલસાડમાં 2 કેસ અને ડાંગમાં એક કેસ નોંધાયા છે.
રાજ્યમાં છેલ્લા 24 કલાકમાં નોંધાયેલા કેસના જિલ્લાવાર આંકડા