કોરોના વાયરસની અસર સમગ્ર વિશ્વના બજાર, શેર માર્કેટમાં પડી છે. જેના કારણે સોના ચાંદીના બજારને પણ અસર થઈ છે. સેફેહેવન બુલિયન માર્કેટમાં લાંબા સમય બાદ તેજી જેવા મળી છે. આંતરરાષ્ટ્રીય બજારમાં સોનું 1600 ડોલરની સપાટી વટાવી ગયું છે. અમદાવાદમાં સોનું પ્રતિ 10 ગ્રામ રૂ. 500ના સુધારા સાથે રેકોર્ડ 42,900 થઈ ગયો છે. જ્યારે ચાંદીમાં ઝડપી 1200નો સુધારો થઈ 48,500 ક્વોટ થતી હતી.
સોનું 1600 ડોલરની સપાટી વટાવી ગયું છે
જોકે ચાંદીમાં તેજીનું કારણ સોનું છે
1000 ડોલરની સપાટી વટાવી 1015 ડોલર થયું છે
સોના-ચાંદીમાં આટલા ધરખમ ફેરફારનું કારણ કોરોના વાયરસ અને ચીને વ્યાજદરમાં ઘટાડો છે. તેમજ સેન્ટ્રલ બેન્કો અને હેજ ફંડોનું આકર્ષણ વધ્યું હોવાના લીધે સોનું વધી 1615 ડોલર અને ચાંદી 18.35 ડોલરની સપાટી વટાવી ગયું છે.
જોકે, સોના-ચાંદીની સરખામણીએ પેલેડિયમ અને પ્લેટિનમમાં તેજી આવી છે.ફોરેક્સ માર્કેટમાં ડોલર સામે રૂપિયો નબળો રહ્યો છે. જેની અસર સ્થાનિક બજારમાં સુધારામાં મહત્વનો રોલ ભજવી ગઈ છે.
બૂલિયન એનાલિસ્ટો આગામી દિવસોમાં સોનું 1630 ડોલર અને ત્યાર બાદ 1680 ડોલરની સપાટી રહેશે હોવાનું જણાવી રહ્યાં છે. બીજી તરફ ચાંદી 18.50 ડોલરની સપાટી પાર કરે તો 19.00 ડોલર સુધી પહોંચી શકે છે. જોકે ચાંદીમાં તેજીનું કારણ સોનું છે. જ્યારે પ્લેટિનમ 1000 ડોલરની સપાટી વટાવી 1015 ડોલર થયું છે. તેમજ સોના ચાંદીના એક્સપર્ટના કહેવા પ્રમાણે માર્ચમાં સોનું 43,500ની સપાટીએ પહોંચે તેવી શક્યતા સેવાઈ રહી છે.