નવી સ્ટડીથી હવે સ્પષ્ટ થઈ ગયું છે કે ડેલ્ટા વેરિએન્ટ શરૂઆતી કોરોના વાયરસથી લગભગ 172 ટકા વધારે સંક્રામક છે.
ડેલ્ટા વેરિએન્ટ શરૂઆતી કોરોના વાયરસથી લગભગ 172 ટકા વધારે સંક્રામક
ડેલ્ટા વેરિએન્ટ અલ્ફાથી 60 ટકા વધારે સંક્રામક
ડેલ્ટા પ્લસના 166 જીનોમ સિક્વેન્સિંગનું અધ્યયન
કોરોના કહેર વચ્ચે એક તરફ જ્યાં ડેલ્ટા પ્લસ વેરિએન્ટને લઈને ચિંતા વધી રહી છે. ત્યાં જ બીજી તરફ ડેલ્ટા વેરિએન્ટને લઈને નવી જાણકારીઓ સામે આવી રહી છે. નવી સ્ટડીથી હવે સ્પષ્ટ થઈ ગયું છે કે ડેલ્ટા વેરિએન્ટ શરૂઆતી કોરોના વાયરસથી લગભગ 172 ટકા વધારે સંક્રામક છે. આ પ્રકારે ડેલ્ટા પ્લસમાં થયેલા મ્યૂટેશનથી આ સંક્રામકતા વધુ વધવાની આશંકા દર્શાવવામાં આવી રહી છે.
ડેલ્ટા વેરિએન્ટ અલ્ફાથી 60 ટકા વધારે સંક્રામક
એક શોધમાં કહેવામાં આવ્યું છે કે ડેલ્ટા વેરિએન્ટ અલ્ફાથી 60 ટકા વધારે સંક્રામક છે. અલ્ફા વેરિએન્ટ પહેલી વખત યુકેમાં મળ્યો હતો. યુકેમાં અલ્ફાને જ બીજી લહેર માટે જવાબદાર માનવામાં આવે છે. અલ્ફા વેરિએન્ટ શરૂઆતી કોરોના વાયરસની તુલનામાં 70 ટકા વધુ સંક્રામક હતો. તારણ એવું નિકળે છે કે ડેલ્ટા વેરિએન્ટ શરૂઆતી વાયરસની તુલનામાં 172 ટકા વધુ સંક્રામક થઈ ચુક્યું છે. અત્યારે 90થી વધારે દેશોમાં તે પ્રસરી ચુક્યો છે. તથા સંક્રમણમાં તેની મુખ્ય ભુમિકા છે.
ડેલ્ટા પ્લસના 166 જીનોમ સિક્વેન્સિંગનું અધ્યયન
ડેલ્ટા પ્લસ પર હાલ સંશોધન ચાલી રહ્યું છે પરંતુ જે અનુમાન લગાવવામાં આવ્યો છે તેના અનુસાર તેમાં જે નવા મ્યૂટેશનને 417 એન થયો છે. તે મ્યૂટેશન પહેલા દક્ષિણ આફ્રીકામાં મળેલા ડેલ્ટા વેરિએન્ટમાં જોવા મળ્યો છે. માનવામાં આવી રહ્યું છે કે આ મ્યૂટેશન માનવ શરીરમાં ઉત્પન્ન એન્ટીબોડીના વિરૂદ્ધ પ્રતિરોધિક ક્ષમતા પ્રાપ્ત કરી શકે છે. વૈશ્વિક એજન્સી જીઆઈએસઆઈડીએ અત્યાર સુધી ડેલ્ટા પ્લસના 166 જીનોમ સિક્વેન્સિંગનું અધ્યયન કર્યું છે અને એ દાવો કરવામાં આવામાં આવ્યો છે કે વધારે સંક્રામક અથવા ભયાનક હોવાનો કોઈ તથ્ય નથી. પરંતુ વૈજ્ઞાનિક સમુદાય હજુ તેનાથી સંતુષ્ટ નથી. સંશોધકોએ જણાવ્યા અનુસાર નવા મ્યુટેશનના 417 એન ઈમ્યૂન ઈસ્કેપ અને સ્પાઈક પ્રોટીનના રિસીપ્ટર બાઈન્ડિગ ડોમેનથી જોડાયેલા છે. જેનો મતલબ છે કે તેનાથી સંક્રમિત થવાનો ખતરો વધારે છે તથા આ એન્ટીબોડી વિરૂદ્ધ પ્રતિરોધક ક્ષમતા પેદા કરી શકે છે.
વિશ્વના 85 જેટલા દેશોમાં ડેલ્ટા વેરિઅન્ટના કેસ જોવા મળ્યા
ડેલ્ટા પ્લસ વેરિઅન્ટને લઇ વિશેષજ્ઞોએ ચિંતા વ્યક્ત કરી છે. વિશ્વના 85 જેટલા દેશોમાં ડેલ્ટા વેરિઅન્ટના કેસ જોવા મળ્યા છે. ત્યારે ભારતમાં અત્યાર સુધી 40 જેટલા ડેલ્ટા પ્લસ વેરિઅન્ટના કેસ સામે આવી ચૂક્યા છે. વિશેષજ્ઞોએ ડેલ્ટા વેરિઅન્ટને લઇ કહ્યું કે ડેલ્ટા વેરિઅન્ટના સંક્રમણ સામે વેક્સિન પણ બેઅસર થઇ શકે છે. કારણ કે ડેલ્ટા વેરિઅન્ટ અન્ય વાયરસથી વધુ ઘાતક છે. કોરોનાનો આલ્ફા વેરિઅન્ટ 170 દેશમાં, બીટા 119 દેશમાં ફેલાઇ ચૂક્યો છે. જ્યારે કોરોનાનો ગામા વેરિઅન્ટ 71 અને ડેલ્ટા વેરિઅન્ટ 85 દેશમાં ફેલાયો છે. કોરોનાનો ડેલ્ટા વેરિઅન્ટ ઝડપી ફેલાઇ રહ્યો છે. મળતી માહિતી મુજબ કોરોનાનો ડેલ્ટા વેરિઅન્ટ બે સપ્તાહમાં 11 દેશમાં ફેલાઇ ચૂક્યો છે. જેને લઇ WHO ડેલ્ટા વેરિઅન્ટ પર નજર રાખી રહ્યું છે.