દિલ્હીમા સતત બીજા દિવસે 300થી વધુ કેસ આવતા એક્સપર્ટ્સે કહ્યું કે મે મહિનામાં અહીં કોરોના પીક પર રહી શકે છે.
દિલ્હીમાં વધી રહ્યું છે કોરોના સંક્રમણ
દિલ્હીમાં રિકવરી રેટ 98 ટકાથી વધુ
છેલ્લા 24 કલાકમાં 321 નવા કેસ
દેશની રાજધાની દિલ્હીમાં લગભગ 2 મહિના બાદ કોરોના સંક્રમણ વધુ જોવા મળી રહ્યું છે. દિલ્હીમાં છેલ્લા એક અઠવાડિયામાં કોરોના સંક્રમણ વધવાની સાથે હોસ્પિટલમાં એડમિટ થનારા દર્દીની સંખ્યા પણ વધી રહી છે. દિલ્હીમાં સતત બીજા દિવસે કોરોનાના 300થી વધારે કેસ આવ્યા છે. દિલ્હીમાં 24 કલાકમાં 53062 લોકોએ કોરોના ટેસ્ટ કરાવ્યો છે જેમાંથી 321 લોકોના રિપોર્ટ પોઝિટિવ આવ્યા છે.
दिल्ली में पिछले 24 घंटों में 321 नए कोविड मामले, 320 रिकवरी और 1 मौत दर्ज़ की गई।
દિલ્હી સરકારે જાહેર કર્યા આંકડા
દિલ્હી સરકાર દ્વારા જાહેર કરાયેલા આંકડાના અનુસાર 6 માર્ચે દિલ્હીમાં કોરોનાનું સંક્રમણ 0.60 ટકા નોંઘાયું છે જે લગભગ 2 મહિના બાદ સૌથી વધારે છે. 6 માર્ચ પહેલા 9 ફેબ્રુઆરીએ દિલ્હીમાં 0.65 ટકા સંક્રમણ થયું છે. દિલ્હીમાં એક્ટીવ કોરોના કેસની સંખ્યા વધીને 1779 થઈ છે જ્યારે આઈસોલેશનમાં રહેનારા દર્દીનો આંક 879 થયો છએ.
24 કલાકમા આવ્યા 321 નવા કેસ
દિલ્હીમાં 6 માર્ચ પહેલા 23 જાન્યુઆરીએ સૌથી વધુ 1880 એક્ટિવ દર્દીઓ હતા. છેલ્લા 24 કલાકમાં 321 નવા કેસ આવવાની સાથે એક દર્દીનું મોત થયું છે. પહેલા 14 જાન્યુઆરીએ 340 કેસ આવ્યા હતા. હાલમાં દિલ્હીમાં રિકવરી રેટ 98 ટકાનો જોવા મળી રહ્યો છે. એક અઠવાડિયામાં રિકવરી રેટમાં 0.9 ટકાનો ઘટાડો પણ નોંધાયો છે.
દિલ્હીમાં આવી રહી કોરોનાની સ્થિતિ
દિલ્હીમાં કોરોનાની શરૂઆતથી અત્યાર સુધીમાં કુલ 6,40,815 કેસ નોંધાયા છે અને કુલ 6,28,117 દર્દીઓ સારવાર બાદ સાજા થયા છે. આ સિવાય કુલ મૃત્યુઆંક 10919 થયો છે. અત્યાર સુધીમાં અહીં કુલ 1,27, 34,503 લોકોએ કોરોના ટેસ્ટ કરાવ્યો છે.
આ લોકોના સંક્રમિત થવાના ચાન્સ વધારે
દિલ્હીની હોસ્પિટલમાં કોરોના દર્દીની સંખ્યા વધી રહી છે. ડોક્ટરે કહ્યું કે ઘરની બહાર કામે જતા લોકોમાં સંક્રમણ વધુ રહે છે. 45 વર્ષથી નાની ઉંમરમાં 80 ટકા લોકો લક્ષણ વિનાના કોરોના ધરાવે છે. આ લોકો અન્ય લોકોને સંક્રમણ ફેલાવે છે તો આ દર્દીને હોસ્પિટલમાં એડમિટ થવું જરૂરી છે.
ઈમ્યુનિટી ઘટે છે
ડોક્ટરે કહ્યું કે ઈ્મ્યુનિટી 5-6 મહિનામાં ઘટે છે. દિલ્હીમાં નવેમ્બરમાં કોરોના પીક પર આવ્યો હતો. એપ્રિલ બાદ કોરોના વધતો જોવા મળ્યો છે. જો સ્થિતિ આવી જ રહેશે તો મે મહિનામાં કોરોના પીક પર રહેશે.