મદદ / કોરોના મહામારીમાં બોલિવૂડ કિંગે કરી આ મોટી મદદ, સત્યેન્દ્ર જૈને ટ્વિટ કરીને માન્યો આભાર

• શાહરૂખ ખાને કોરોનામાં કરી દિલ્હીને મોટી મદદ
• 500 remdesivir  ઈન્જેક્શન ડોનેટ કર્યા
• દિલ્હીના હેલ્થ મિનિસ્ટર સત્યેન્દ્ર જૈને માન્યો આભાર

 
કોરોના કાળમાં બોલિવૂડ સેલેબ્સે મોટા સ્તરે મદદ કરીને દેશને મુશ્કેલ સમયમાં રાહત આપી છે. સોનૂ સૂદે પ્રવાસી મજૂરોની મદદ કરી છે.  તો કિંગ ખાને 500 remdesivir  ઈન્જેક્શન ડોનેટ કર્યા અને પોતાના આ કામથી દરેકનું દિલ જીતી લીધું છે. શાહરૂખ ખાનની આ મદદ માટે દિલ્હીના સ્વાસ્થ્યમંત્રી સત્યેન્દ્ર જૈને તેમનો આભાર માનતું ટ્વિટ કર્યું છે.  

We are extremely thankful to Sh. @iamsrk and @MeerFoundation for donating 500 Remdesivir injections at a time when it was needed the most.

we are much obliged for the support extended by you during the time of crisis.

— Satyendar Jain (@SatyendarJain) December 10, 2020

સ્વાસ્થ્યમંત્રી સત્યેન્દ્ર જૈને ટ્વિટમાં લખી આ વાત
 
ટ્વિટમાં લખ્યું છે કે અમે શાહરૂખ અને મીર ફાઉન્ડેશનનો દિલથી આભાર માનીએ છીએ. તેઓએ દિલ્હીને  500 remdesivir  ઈન્જેક્શન ડોનેટ કર્યા અને તે પણ સૌથી વધારે જરૂરિયાતના સમયે. મુશ્કેલ સમયમાં તમારી આ મદદ માટે અમે આપના આભારી છીએ. 
 

કોરોનામાં શાહરૂખે કરી આ મદદ

શાહરૂખના આ કામ માટે દરેક વ્યક્તિ તેના વખાણ કરી રહ્યું છે. તેના ફેન્સને તેના પર ગર્વ થઈ રહ્યો છે. પહેલાં પણ કોરોનામાં શાહરૂખે મોટી મદદ કરી હતી. પોતાની મુંબઈની ઓફિસમાં એક ક્વોરન્ટાઈન સેન્ટર બનાવવાની અપીલ કરી હતી. આ સિવાય તેની તરફથી 25 હજાર પીપીઈ કિટ પણ ડોનેટ કરી હતી. આ સમયે મહારાષ્ટ્ર સરકારે શાહરૂખનો આભાર માન્યો હતો. 

એક્ટર કિંગ ખાને અનેક અવસરે આગળ આવીને મદદ કરી છે. તે હંમેશા અનેક સામાજિક કાર્યો સાથે પોતાને જોડેલા રાખે છે. તેમનું મીર ફાઉન્ડેશન પણ આ દિશામાં સતત કામ કરતું જોવા મળી રહ્યું છે.