મ્યૂકરર્માઈકોસિસના કેસમાં આ પ્રથમ એવી ઘટના છે જેમાં કિડનીમાં ઈન્ફેક્શન જોવા મળ્યું છે, જો કે બાદમાં તેનું નિદાન પણ કરવામાં આવ્યું તે પણ પહેલી ઘટના માનવામાં આવે છે.
વડોદરામાં પહેલીવાર કિડનીમાં બ્લેક ફંગસ
પહેલીવાર કિડનીમા બ્લેક ફંગસનુ થયું નિદાન
મધ્યપ્રદેશની મહિલાની કિડનીમા જોવા મળ્યું ઈન્ફેકશન
એક તરફ દેશ કોરોનાની બીજી લહેર સામે લડી રહ્યો છે, ત્યાં બ્લેક ફંગશ એટલે મ્યૂકરર્માઈકોસિસના કેસમાં મોટો ઉછાળો જોવા મળી રહ્યા છે ત્યારે વડોદરામાં પહેલીવાર કિડનીમાં બ્લેક ફંગસ જોવા મળી છે.
કિડનીમાં બ્લેક ફંગસનું ઈન્ફેક્શન
મ્યૂકરર્માઈકોસિસના કેસમાં આ પ્રથમ એવી ઘટના છે જેમાં કિડનીમાં ઈન્ફેક્શન જોવા મળ્યું છે, જો કે બાદમાં તેનું નિદાન પણ કરવામાં આવ્યું તે પણ પહેલી ઘટના માનવામાં આવે છે. જેમાં કિડનીમાં બ્લેક ફંગસ થયેલીનું નિદાન કરવામાં આવ્યું વડોદરામાં મધ્યપ્રદેશની મહિલાને કિડનીમાં બ્લેક ફંગસ થઈ હતી જે બાદ તેનું સફળ ઓપરેશન કરવામાં આવ્યું હતું.
બ્લેક ફંગશ એટલે મ્યૂકરર્માઈકોસિસ ખરતો યથાવત
બ્લેક ફંગશ એટલે મ્યૂકરર્માઈકોસિસ નામની બીમારી એવા લોકોને જ થાય છે, જેમને 10 થી 15 દિવસ સુધી ઑક્સિજન કે વેન્ટિલેટર પર રાખવામાં આવ્યા હોય અને તેમના નાક અને મોંઢાને વ્યવસ્થિત સાફ ના કરવામાં આવ્યા હોય. વેન્ટિલેટર પર રહેલા દર્દીઓના નાકમાં ફંગસ થઈ જાય છે. જેને બીટાડીન જેવા સામાન્ય લોશનથી સાફ કરી દેવામાં આવે, તો શરૂઆતના તબક્કામાં જ ફંગસનો નાશ થઈ શકે છે.
બ્લેક ફંગસના કેસોમાં મહારાષ્ટ્ર સૌથી આગળ
જો વાત કરવામાં આવે તો દેશમાં બ્લેક ફંગસના કુલ 31,216 દર્દીઓ નોંધાયા છે, જ્યારે 2,109ના મોત સાથે છેલ્લા 3 અઠવાડિયામાં 150 ટકાના દરે કેસો વધી રહ્યાં છે. બ્લેક ફંગસના દર્દીઓની સારવાર માટે જરૂરી દવા એમ્ફોટેરિસિન-બીની કમીના કારણે પણ મૃત્યુઆંક વધી રહ્યો છે. Mucormycosis બ્લેક ફંગસના કેસોમાં મહારાષ્ટ્ર સૌથી આગળ છે.
રાજ્યમાં મ્યૂકરર્માઈકોસિસ 7 હજારથી વધુ કેસ
રાજ્યમાં અત્યાર સુધી મ્યૂકર માઈકોસિસના 7,057 કેસ નોંધાયા છે, જ્યારે 609 દર્દીઓના મોત થયા છે. જ્યારે બીજા નંબર પર રહેલા ગુજરાતમાં 5,418 કેસ અને 323 મરણ નોંધાયા છે. 2,976 કેસ સાથે રાજસ્થાન ત્રીજા ક્રમે છે. જો કે મરણની દ્રષ્ટિએ 188 મોત સાથે કર્ણાટક ત્રીજા ક્રમે છે. 25મીં મેના રોજ મહારાષ્ટ્રમાં 2770 બ્લેક ફંગસના કેસ હતા. જ્યારે એજ દિવસે ગુજરાતમાં 2,859 કેસ નોંધવામાં આવ્યા હતા. સૌથી વધુ વસ્તી ધરાવતા રાજ્ય ઉત્તર પ્રદેશમાં 1,744 કેસ અને 142 મરણ નોંધાયા છે.
દેશમાં પણ મ્યૂકરર્માઈકોસિસ કેસમાં વધારો
જ્યારે પડોશી દિલ્હીમાં 1200 કેસ અને 125 મોત થઈ છે. 25મીં મેના રોજ ઉત્તર પ્રદેશમાં 701 કેસ હતા, જ્યારે દિલ્હીમાં 119 કેસ સામે આવ્યા હતા.કેન્દ્ર સરકારે પોતાના તરફથી દરેક રાજ્યોને બ્લેક ફંગસને મહામારી જાહેર કરવા કહ્યું હતું. જેનો અર્થ છે કે, બ્લેક ફંગસના તમામ શંકાસ્પદ કેસની વિગતો સ્વાસ્થ્ય મંત્રાલયને આપવી પડશે.