મહામારી / આ શહેરમાં નવી ચિંતા, કોરોના ઘટ્યો પણ મોતની સંખ્યામાં થયો 200 ટકાનો વધારો

• મુંબઈમાં એપ્રિલમાં કોરોનાના કેસો ઓછા થયા
• પણ મૃત્યુદરે ચિંતા વધારી
• મુંબઈમાં એપ્રિલમાં કોરોનાથી મરનાર લોકોનો આંકડો 200 ટકા વધારે રહ્યો

મુંબઈમાં કોરોનાથી  મરનાર લોકોનોી સંખ્યામાં 200 ટકાનો વધારો થયો છે. એપ્રિલના પહેલા અઠવાડિયામાં મૃતકોની સંખ્યા 166 હતી તો એપ્રિલના અંતમાં વધીને 460 થયો. માર્ચ મહિનામાં કોરોનાને કારણે 215 લોકોના મોત થયા જે એપ્રિલમાં વધીને 1479 થયા.

થોડા સમયમાં મૃત્યુદરમાં ઘટાડો આવશે

કોવિડ મોત ઓડિટ કમિટીના પ્રમુખ ડો.અવિનાશ સુપેએ જણાવ્યું કે આગામી થોડા સમયમાં કોરોનાના મૃત્યુદરમાં ઘટાડો આવશે. બીએમસી કમિશનર ઈકબાલ સિંહ ચહલે જણાવ્યું કે એપ્રિલના પહેલા અઠવાડિયામાં મૃત્યુદર 0.24 ટકા, બીજા અઠવાડિયામાં 0.46 ટકા, ત્રીજા અઠવાડિયામાં 0.63 ટકા અને ચોથા અઠવાડિયામાં વધીને 1.27 ટકા થયો હતો. 

10 ટકા મૃતકોમાં 45 વર્ષથી ઓછી ઉંમરના

મહામારી નિષ્ણાંત ગિરિધર બાબુએ જણાવ્યું કે એક દર્દી સામાન્ય રીતે સાજો થતા પહેલા કે  મરતા પહેલા 14 દિવસ આઈસીયુમાં રહેતો હોય છે તેથી કેસોમાં ઘટાડો શરુ થયાના થોડા અઠવાડિયામાં મોતની સંખ્યામા વધારો જોવા  મળે છે. બીજી લહેરમાં મૃત્યુદર પહેલાની તુલનામાં વધારે છે. ડો. સુપેએ જણાવ્યું કે લગભગ 10 ટકા 

પોઝિટીવિટી રેટ શુક્રવારે 9.94 ટકા પર પહોંચી ગયો
બીએમસીના અધિકારીઓએ જણાવ્યું કે શહેરમાં કોરોના પોઝિટીવિટી રેટ શુક્રવારે 9.94 ટકા પર પહોંચી ગયો હતો. શુક્રવારે બીએમસી વતી જારી કરવામાં આવેલા આંકડામાં જણાવાયું કે છેલ્લા ચોવીસ કલાકમાં 43,525 ટેસ્ટ કરાયા જેમાંથી 4328 પોઝિટીવ કેસ નીકળ્યાં. 

13 માર્ચ 2021 ના દિવસે દૈનિક પોઝિટિવીટી રેટ 9.48 ટકા હતો

અધિકારીઓએ જણાવ્યું કે 13 માર્ચ 2021 ના દિવસે મુંબઈમાં કોરોનાનો દૈનિક પોઝિટિવીટી રેટ 9.48 ટકા હતો. આ રીતે લગભગ દોઢ મહિના બાદ ફરી એક વાર પોઝિટીવિટી રેટ સિંગલ ડિઝિટમાં આવ્યો છે. પોઝિટીવિટી રેટનો અર્થ કુલ થયેલા કોરોનાના ટેસ્ટમાં મળેલા પોઝિટીવ કેસોની સંખ્યા. મુંબઈમાં કોરોનાની બીજી લહેરે કેર વરસાવ્યો છે પરંતુ છેલ્લા થોડા દિવસથી નવા કેસોની ઝડપ ઓછી થઈ છે. 

લક્ષણ વગરના શહેરમાં 85 ટકા નવા કોરોનાના કેસ
બીએમસી કમિશનર ઈકબાલ સિંહ ચહલે જણાવ્યું કે 44,000 ટેસ્ટિંગની સાથે અમારો પોઝિટીવીટી રેટ સિંગલ ડિઝિટમાં છે. તેમાં 85 ટકા કેસ લક્ષણ વગરના છે. આ રીતે જોઈએ તો સૌથી વધારે ટેસ્ટિંગ બાદ પણ સિંગલ ડિઝિટમાં પોઝિટિવીટી રેટ હોવો મહત્વનો છે.