મજૂરોને લોકડાઉનનો ડર સતાવી રહ્યો છે. જેના કારણે તે પલાયન કરી રહ્યા છે.
મજૂરોને લોકડાઉનનો ડર સતાવી રહ્યો છે
ડરના કારણે મજૂરો પલાયન કરી રહ્યા છે
બીજા રાજ્યોમાંથી આવનારી ટ્રેનોમાં ભારે બેદરકારી જણાઈ
મજૂરોની આશંકા છે કે જલ્દી લોકડાઉન લાગી શકે છે
દિલ્હી, નોઈડા, ગાજિયાબાદમાં કોરોના કર્ફ્યૂનું એલાન બાદ આવેલા મજૂરોને લોકડાઉનનો ડર સતાવી રહ્યો છે. જેના કારણે તે પલાયન કરી રહ્યા છે. દિલ્હીમાં બ્રિટાનિયા ચોકથી રવાના થનારી બસોમાં અચાનક ભીડ વધી ગઈ છે. નજીકના ઈન્ડસ્ટ્રિયલ વિસ્તારમાં કામ કરનારા મજૂરો ઘરે જઈ રહ્યા છે. દિલ્હીમાં હાલ ફક્ત રાતનાં ક્ફ્યુનું એલાન કરવામાં આવ્યું છે. પરંતુ મજૂરોની આશંકા છે કે જલ્દી લોકડાઉન લાગી શકે છે.
બીજા રાજ્યોમાંથી આવનારી ટ્રેનોમાં ભારે બેદરકારી જણાઈ
એક તરફ દિલ્હીમાં કોરોનાના કેસ વધી રહ્યા છે તો બીજી તરફ અહીં બીજા રાજ્યોમાંથી આવનારી ટ્રેનોમાં ભારે બેદરકારી જણાઈ રહી છે. બસો અને ટ્રેનોમાં ભેગી થયેલી આ ભીડથી સ્પષ્ટ છે કે લોકોને લોકડાઉનનો ડર તો છે પરંતુ કોરોનાનાં સંકટને તે હજું પણ નજર અંદાજ કરી રહ્યા છે. જ્યારે થોડી સાવધાનીની સાથે આવનારા ખતરાને ટાળી શકાય છે.
કર્ફ્યૂ લાગ્યા બાદ ગત વર્ષની જેમ ડર સતાવી રહ્યો છે
દિલ્હીમાં કોરોનાના કારણે નાઈટ કર્ફ્યૂ છે. ગત વખતે લોકડાઉન લાગ્યું હતુ તો હજારો લાખો મજૂરોએ પલાયન કર્યુ હતુ. પરંતુ આ વખતે સ્થિતિના ખરાબ થવા અને નાઈટ કર્ફ્યૂ લાગ્યા બાદ આ મજૂરોમાં ભારે ડર પેઠો છે. એક મીડિયા તપાસ કરવા દિલ્હી બ્રિટાનિયા ચોક પર પહોંચી જ્યાં મોટો ઈન્ડસ્ટ્રીયલ વિસ્તાર છે. હજારોની સંખ્યામાં મજૂરો કામ કરે છે. બિહાર જનારી બસોમાં મજૂર બેઠા હતા. તેમાંથી મોટાભાગની સવારિયોનું કહેવું હતુ કે કર્ફ્યૂ લાગ્યા બાદ ગત વર્ષની જેમ ડર સતાવી રહ્યો છે. એટલા માટે તે બિહાર જઈ રહ્યા છે.
મજૂરોની આશંકા છે કે જલ્દી લોકડાઉન લાગી શકે છે
કેટલાક મજૂરોનું કહેવું હતું કે તેમના ઘરેથી ફોન આવી રહ્યા છે કે ક્યાંક ફરીથી લોકડાઉન ન થઈ જાય. એટલે પહેલા જ ઘરે આવી જાઓ. ત્યાં જ ખેતી કરીશું 3-4 મહિના, તો ત્યાં કેટલાક મજૂરોએ એમ પણ કહ્યું કે તેમને કામ પણ છે અને સાથે જે કર્ફ્યૂ લાગ્યો તેના કારણે એ જ નિર્ણય કર્યો કે તેઓ ગામ ચાલ્યા જાય.