કોવિડ 19 / આવી રીતે પણ ફેલાવાઇ શકે છે કોરોના, ઇન્ટરપોલે આપી આ ગંભીર ચેતવણી 

• કોરોનાને લઈને ઇન્ટરપોલે જાહેર કર્યું નિવેદન 
• વિવિધ દેશોના નેતાઓને થઈ શકે છે જોખમ 
• પત્રો દ્વારા પણ ફેલાવાઈ શકે છે કોરોના 

આંતરરાષ્ટ્રીય પોલીસ સંગઠન: ઇન્ટરપોલ દ્વારા વિશ્વભરની સુરક્ષા એજન્સીઓને સાવચેતી રાખવા ચેતવણી આપવામાં આવી છે. ખાસ કરીને ડોક્યુમેન્ટ માટે વધુ સાવચેતી રાખવાની સંસ્થાએ ચેતવણી આપી છે. ઈંટરપોલે દાવો કર્યો છે કે કોરોના સંક્રમિત પત્રો દ્વારા રાજકીય વ્યક્તિઓને નિશાન બનાવી શકાય છે. ઇન્ટરપોલ દ્વારા વિશ્વની એજન્સીઓ સહિત ભારતને ચેતવણી આપવામાં આવી છે.

રાષ્ટ્રપતિ, વડા પ્રધાન સહિતના મોટા નેતાઓ નિશાન પર છે

ઇન્ટરપોલે ચેતવણી જાહેર કરતાં કહ્યું હતું કે કોરોના સંક્રમિત પત્રો દ્વારા રાષ્ટ્રપતિ, વડા પ્રધાન અને ટોચના નેતાઓને નિશાન બનાવી શકાય છે. ઈંટરપોલે કહ્યું કે, મોટા પાયે કાવતરું રચવામાં આવી રહ્યું છે. તેમની પાસેથી સજાગ રહેવાની જરૂર છે.

ઈંટરપોલે જણાવ્યું હતું કે 'તપાસ એજન્સીઓના અધિકારીઓ, ડોકટરો અને આવશ્યક કામદારોને ડરાવવા માટે તેમના ચહેરા પર ઉધરસ ખાવા અને થૂંકવાના બનાવો પણ બન્યા છે. અમુક જગ્યાઓ પર જાણી જોઈને થૂંકવા અને ઉધરસ ખાઈને સંક્રમણ ફેલાવાના પ્રયત્નોની સૂચના મળી છે. 

જાણીજોઈને કોરોના સંક્રમણની ફેલાવાની આશંકા 

ઈંટરપોલે જણાવ્યું હતું કે કેટલાક સ્થળોએ આવા જ કિસ્સાઓ બન્યા છે જ્યારે કોરોના ચેપગ્રસ્ત લોકો જાણી જોઈને એવા વિસ્તારોમાં ગયા હતા જ્યાં કોરોના ચેપના કોઈ કેસ નથી. વળી, એવા પણ અહેવાલો પ્રાપ્ત થયા છે કે શારીરિક પ્રવાહીના ચેપગ્રસ્ત નમૂનાઓ ઓનલાઇન વેચવાનો દાવો કરવાવાળાઓની પણ સૂચના મળી છે.